Wikipedia:Artikel pethingan/2013 10

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
EM of influenza virus.jpg

Influenza, sing luwih ditepungi kanthi sebutan flu, arupa penyakit nular sing disebabaké déning virus RNA saka famili Orthomyxoviridae (virus influenza), sing nyerang unggas lan mamalia. Gejala sing paling umum saka penyakit iki yaiku ndredheg, mriyang, perih tenggorok, perih otot, sirah abot, watuk, lemes, lan rasa ora nyaman sacara umum.Sanajan asring kijolan karo penyakit mèmper influenza liyané, utamané selesma, influenza arupa penyakit sing luwih abot tinimbang selesma lan disababaké déning jenis virus sing béda.Influenza bisa nimbulaké eneg, lan muntah, utamané ing bocah-bocah, nanging gejala kasebut luwih asring ana ing penyakit gastroenteritis, sing babar pisan ora ana gegandhèngané, sing uga sok-sok sacara ora trep diarani minangka "flu weteng".

Biasané, influenza ditularaké liwat udhara liwat watuk utawa wahing, sing bakal nimbulaké aerosol sing ngandhut virus. Influenza uga bisa ditularaké liwat kontak langsung karo tai manuk utawa umbel, utawa liwat kontak karo lumahan sing wis kena kontaminasi. Aerosol sing kagawa déning udara (airborne aerosols) diduga nimbulaké sebagéyan gedhé infèksi, sanajan jalur panularan endi sing paling duwé peran jroning penyakit iki durung cetha temenan. Sajangkepipun Artikel