Wédang rondhé
Wédang rondhé ya iku wédang tradhisional asli saka Jawa sing isiné wédang jahé diwènèhi bunderan glepung isi gula Jawa, roti tawar, kacang lan kolang-kaling. Wédang rondhé racaké disuguhaké ing njero mangkok cilik ukurana watara 250-500 ml. Wédang rondhé cocog dikonsumsi nalika hawa adhem lan mangsa udan.[1] Sajarah wédang rondhé angèl dingertèni asalé saka laladan ngendi, nanging udakara taun 1930 an, Wédang iki wis kondhang ning kutha Boyolali, Sala, Salatiga lan Ambarawa. Jaré wédang iki wédang kesenengané tokoh Katolik pejuang nasional Mgr. Soegijapranata nalika ana ing Ambarawa.[2]
Cathetan suku
[besut | besut sumber]- ↑ Visit Semarang(diundhuh tanggal 6 Juni 2012)
- ↑ Suara Merdeka(diunduh tanggal 9 Juli 2012)