Upacara Jembul Tulakan

Saka Wikipédia Jawa, bauwarna mardika basa Jawa

Upacara ''Jembul Tulakan'' wujud rasa syukur masarakat tulakan marang Gusti ingkang Maha Kuwasa, kang wis paring kesuburan tanah kang nguripi para masarakat ing désa tulakan. lemah kang awité ora bisa digunakaké jelma dadi sawijining padhukuhan kang subur kanthi bebrayan kang urip rukun, tentrem lan ayem.[1]

Simbol-simbol kang ana ing upacara jembul tulakan ing pelaksanaané upacara jembul Tulakan iki, nyuguhaké rong (loro) warna jembul. kang gedhé ana ing ngarep diarani jembul lanang, lan kang cilik ana ing buri diarani jembul wadon. jembul lanang dirias karo iratan pring tipis, kang isiné manéka warna panganan, kaya ta jadah (gemblong), tapé ketan, wajék, apem, lan manéka warna panganan liyané. nanging jembul wadon ora dirias nanging diiseni sega lan lawuhé.Cacahing jembul dijumbuhaké karo cacahing pedhukuhan kang dibawahi kepala-kepala dhukuh utawa kamituwa. Prosesi upacara Upacara Jembul Tulakan diwiwiti saka ngumbah sikil petinggi nganggo kembang setaman, kanggo pralambang pengormatan marang Ratu Kalinyamat. saiki, bebrayan luwih ngartikna wujud saka panjaluk utawa pandonga supaya kawujud urip kang tentrem, resik saka sambikala lan kesusahan kang nimpa pandhudhuk.samana uga kanggo pangiling kanggo para petinggi supaya tansah resik anggoné lelaku lan mimpin wargané lan supaya ora nglanggar larangan agama, hukum lan jujur uga adhil. bisa ngumbah sikil para petinggi désa dilanjutna slametan kanggo lambang pandonga marang Gusti supaya désa tetep slamet lan asil bumi akèh saéngga panguripan pendhudhuk dadi sejahtera. inti saka upacara ya iku ngiteri jembul kaping 3 déning petinggi lan disusul karo kabèh perangkat désa sarta pambeksa tayub, kang gambaraké manèh kaanan ing wektu Ratu Kalinyamat nglakoni pamariksa tumrap para nayaka praja kang teka sowan lan masrahaké bekti, lan saiki luwih diartikna minangka pangèling supaya pemimpin désa tansah nglodhangake wektu kanggo mènèhi kawigatosan marang staf perangkat désané.[1]

Cathetan sikil[besut | besut sumber]

  1. a b [1] Archived 2018-04-13 at the Wayback Machine.,