Tilik (filem)
| Tilik | |
|---|---|
 Poster filem | |
| Disutradarani | Wahyu Agung Prasetyo |
| Diprodhuseri | Elena Rosmeisara |
| Ditulis déning | Bagus Sumartono |
| Dibintangi |
|
| Dimusiki | Redy Afrians |
| Sinématografi | Satria Kurnianto |
| Dibesut déning |
|
Perusahaan prodhuksi | Ravacana Films |
Tanggal metu |
|
Suwéné | 32 menit |
| Nagara | Indonésia |
| Basa | Jawa |
Tilik iku filem cekak abasa Jawa sing diprodhuksi déning Ravacana Films. Tilik iku salah siji filem cekak sing lolos kurasi dana mirunggan Kundha Kabudayan Provinsi Ngayogyakarta ing taun 2018. Filem sing disutradarani déning Wahyu Agung Prasetyo lan adhedhasar skénario anggitané Bagus Sumartono iku dibabar ing sasi Sèptèmber 2018.[1] Ing surya 17 Agustus 2020, Ravacana Films mbabar Tilik ing kanal ngedum vidéo YouTube kanthi gratis kanggo para kawula umum. Tilik nyritakaké mbok-mbok sarombongan sing lelungan nganggo truk saperlu tilik Bu Lurah sing lagi lara lan diopname sajeroning griya sakit.[2][3]
Alur crita[besut | besut sumber]
Film cekak iki nyritakaké babagan mbok-mbok sarombongan sing numpak truk kanggo tilik Bu Lurah, sing lagi diopname ing griya sakit. Salawasé dalan mbok-mbok iku padha ngethuprus. Bu Téja sing tansah ngumbar gosip babagan Mbak Dian, kembang désa sing ayu lan mandhiri. Kanthi luwes, Bu Téja njlèntrèhaké macem-macem perkara sing kayane dianggep kanyatan manawa Mbak Dian, calon mantuné Bu Lurah, minangka wong wadon nakal, lan bisa ngrusuhi para warga, bakuné kawutuhané balé somah, amarga dhèwèké dikira kerep nggodha para priya sing wis bebrayan. Dhasar sing dikandhakaké déning Bu Téja yaiku warta ing médhia sosial sing ngemot babagan Mbak Dian. Nanging, ora kabèh sing diandharaké déning Bu Téja dipracayani, amarga ana sing ngelingaké yaiku Yu Ning, manawa ora becik nguntal informasi tanpa ngerti kabenerané sumberé. Bu Téja ya ora preduli, dhèwèké ora pedhot olèhé ngrasani alané Mbak Dian, apa manèh ana sing mbélani. Klimaksé, ana pasulayan antara Bu Téja karo Yu Ning, sing tibakné isih kulawargané Mbak Dian.
Sawisé rombongan tekan griya sakit, Mbak Dian lan Mas Fikri padha nyembramani. Nanging, Mbak Dian getun karo tekané para tangga teparo, déné Bu Lurah isih ana ing kamar ICU, ora ana sing bisa niliki awaké. Krungu informasi iku, Bu Téja banjur mangsuli karo ngrèmèhaké Yu Ning, sing dadi inisiator "tilik", nanging durung mènèhi informasi sing akurat babagan kondhisiné Bu Lurah iku.
Ing pungkasané crita, sawisé rombongan mbok-mbok iku padha mulih saka griya sakit amarga ora bisa niliki Bu Lurah, Mbak Dian dituduhaké lumebu sawijining montor sédan, sing ing jeroné ana wong lanang tengah yuswa sing diarani mawa sebutan "Mas" ". Marang wong lanang iku, Dian ngungkapaké rasa samar lan nyritakaké manawa, kanyatané, dhèwèké ora bisa nduwé hubungan rahasia maneh lan péngin rabi, lan uga nduwé rasa samar, apa Fikri bisaa nampa kanyatan iki yèn ngerti menawa bapakné bakal omah-omah karo dhèwèké.
Para paraga[besut | besut sumber]
- Siti Fauziah minangka Bu Téja
- Brilliana Desy minangka Yu Ning
- Angeline Rizky minangka Bu Tri
- Dyah Mulani minangka Yu Sam
- Lully Syahkisrani minangka Mbak Dian
- Hardiansyah Yoga Pramata minangka Mas Fikri
- Tri Sudarsono minangka Minta (bapakné Fikri)
- Gotrek minangka Gotrèk
- Ratna Indriastuti minangka Yati
- Stephanus Wahyu Gumilar minangka Pak Pulisi
Pamulèn[besut | besut sumber]
| Taun | Pamulèn | Kategori | Nominasi | Kasil | Ref. |
|---|---|---|---|---|---|
| 2019 | Piala Maya 2018 | Filem Crita Cekak Kapilih | Tilik | Menang | [4][5] |
Tilik uga dadi wakil resmi sajeroné Jogja-NETPAC Asian Film Festival 2018 lan World Cinema Amsterdam 2019.[6][7]
Réferènsi[besut | besut sumber]
- ↑ "Kisah di Balik Viralnya Film Tilik, Buah Penantian 2 Tahun". Radar Jogja. 22 August 2020. Dibukak ing 1 September 2020.
- ↑ Santoso, Beryl (19 Agustus 2020). "Sinopsis Film Tilik, Bu Tejo Penuh Adegan Julid dan Pergosipan Ibu-ibu Masa Kini". Pikiran Rakyat. Diarsip saka sing asli ing 27 October 2022. Dibukak ing 1 September 2020.
- ↑ Istiqomatul Hayati, èd. (19 Agustus 2020). "Tilik Tayang di Youtube, Nama Bu Tejo Jadi Trending Topic". Tempo.co. Dibukak ing 1 September 2020.[pranala mati permanèn]
- ↑ Aldida, Vania (19 Januari 2019). "Daftar Lengkap Pemenang Piala Maya 2018, dari Gading Marten hingga Vanessa Prescilla". Okezone. Dibukak ing 1 September 2020.
- ↑ Hastanto, Ikhwan (19 August 2020). "Ngobrol Bareng Sutradara Film 'Tilik' yang Membuat Netizen Murka Pada Sosok Bu Tejo". Vice Indonesia. Dibukak ing 1 September 2020.
- ↑ "Tilik (The Visit)". Jogja-NETPAC Asian Film Festival. Diarsip saka sing asli ing 29 August 2020. Dibukak ing 1 September 2020.
- ↑ Al Farisi, Baharudin (20 August 2020). Dian Maharani (èd.). "Sinopsis Tilik, Bu Tejo yang Selalu Nyinyir soal Dian". Kompas.com. Dibukak ing 1 September 2020.