The Egg (crita cekak Weir)
| The Egg | |
|---|---|
| déning Andy Weir | |
| Nagara | Amérika Sarékat |
| Basa | Inggris |
| Kababar ing | Galactanet |
| Jinis média | Digital |
| Tanggal babaran | 15 Agustus 2009 |
"The Egg" yaiku crita cekak (cerkak) kang digawé déning panitra kabangsan Amérika Sarékat Andy Weir[1] lan dibabar ing situs wèbé nalika 15 Agustus 2009.[2] "The Egg" iku cerkak kalokané Weir lan dipertal nganti punjul 30 basa déning para pamaosé.[3][4] Isi saka crita iki yaiku babagan wong lanang yuswa 48 taun tanpa asma kang nemu "surasaning urip" sawisé piyambaké tilar donya.[5]
Sinopsis[besut | besut sumber]
"The Egg" nyritakaké paraga baku mawa tembung sesulih "kowé" (paraga kang diajak guneman) lan Gusti mawa tembung sesulih "ingsun" (narator crita). Kowé iku wong lanang yuswa 48 taun kang tilar donya jalaran kacilakan montor rodha papat, pepanggihan kalihan Gusti kang nyruwé yèn kowé wis tau diréinkarnasi makaping-kaping, kaya nalikané kowé réinkarnasi dadi wong tani wadon ing Cina rikala 540 Masèhi. Gusti nuli mratélaké yèn kowé tansah diréinkarnasi ngliwati wektu. Kabèh manungsa kang tau urip lan bakal urip yaiku inkarnasining awakmu. Wiwit kowé dadi Abraham Lincoln, Adolf Hitler, lan Yésus. Gusti nyruwé yèn kowé uga tau dadi John Wilkes Booth, saben kurban Holocaust, lan saben wong kang ngetutaké Yésus. Kanggo katrangan kang luwih jangkep, kaya mangkéné pethikaning "The Egg": "Saben wong kang kolarani... kowé nglarani awakmu dhéwé. Saben kabecikan kang kolakoni, kowé nglakoni marang awakmu dhéwé. Saben swasana bungah utawa rudatin kang dialami saben wong, utawa bakal dialami mbésuké, kabèh dialami déning awakmu."
Gusti uga nyruwé yèn sejatiné ana makluk mèmper gusti liyané ing pernah liya, lan ing sawijining dina kowé uga bakal dadi gusti sawisé nglakoni kauripan sakabèhing jalma manungsa. Sakabèhing jagad raya karipta awujud endhog gedhi mawa akèh jagad raya ing jeroné namung kanggo paraga baku (sakabèhing jalma manungsa). Ing pungkasaning crita, kowé dituntun Gusti tumuju endhog gedhi, lan nuli diréinkarnasi kanggo nglakoni kauripan sabanjuré.
Budaya populèr[besut | besut sumber]
Juru nembang rap Logic nggunakaké "The Egg" minangka sumber inspirasi albumé asesirah Everybody nalika taun 2017, mligi ing tembang "Waiting Room" kang nggambaraké Neil DeGrasse Tyson minangka Gusti.[6][7]
Minangka pepélinging sepuluh taun "The Egg", channel YouTube Kurzgesagt nggawé animasi adhedhasar "The Egg" kanthi idiné Weir lan dibabar nalika 1 Sèptèmber 2019.[3][8]
Uga delengen[besut | besut sumber]
Rujukan[besut | besut sumber]
- ↑ Hadi, Shana E. (17 Oktober 2017). "Cracking open Andy Weir's 'The Egg'". The Stanford Daily. Dibukak ing 12 Dhésèmber 2021.
- ↑ "The Egg". Goodreads. Dibukak ing 12 Dhésèmber 2021.
- ↑ a b Blazenhoff, Blazen (9 Sèptèmber 2019). "Andy Weir's short story "The Egg" animated by Kurzgesagt". Boing Boing. Dibukak ing 12 Dhésèmber 2021.
- ↑ Weir, Andy (2014). "Creative Writings of Andy Weir". Galactanet. Dibukak ing 12 Dhésèmber 2021.
- ↑ Hogan, Matt. "The Egg by Andy Weir — A Profound Short Story About The Meaning Of Life and Death". MoveMe Quotes. Dibukak ing 12 Dhésèmber 2021.
- ↑ Pearce, Sheldon (12 Mèi 2017). "Logic: Everybody". Pitchfork. Dibukak ing 12 Dhésèmber 2021.
- ↑ "Logic's "Waiting Room" An Outstanding Reimagining of A Classic Short Story". Inside the Rift. Diarsip saka asliné ing 15 Mèi 2017. Dibukak ing 12 Dhésèmber 2021.
- ↑ "The Egg - A Short Story", Kurzgesagt, 2019, dibukak ing 12 Dhésèmber 2021
Pranala njaba[besut | besut sumber]
- The Egg (layang pepak)
- The Egg - A Short Story ing YouTube déning Kurzgesagt