Tato

Saka Wikipédia Jawa, bauwarna bébas abasa Jawa
Jump to navigation Jump to search
Gambar tato ing sikil

Tato ya iku gambar permanèn ing kulit awak. Tato tembung andhahan saka tattoo ing basa inggris. Cara gawé gambar kuwi kanthi nyocogaké barang lancip (dom) ing kulit banjur mangsi kang kanggo mernani dilebokaké ing tatu mau. Istilah tato wiwit dikenal sawisé James Cook mulih saka pesiyar ing laladan kapuloan Pasifik lan nggambaraké wong Polinésia kang duwé tato. Ing Indonesia, suku Dhayak, Mentawai, Timor lan Sumba duwé tradhisi gawé tato ing awak.[1]


Masyarakat Jawa lan Sumatra ing jaman dijajah Walanda ora kenal tato. Kahanan ini miturut sawenèh panduga amarga kuaté pengarus agama Islam ing masyarakat. Nganti tahun 1940-an, mung serdhahu KNIL kang asalé saka Indonesia wétan kang katon duwé tato. Déné ing taun 1950-an, tato wiwit dikenal ing antarané para durjana kanthi jeneng cocohan, senajan cacahé ora sepira akèh. Nganti tahun 1970an, wong kang duwé tato tansah digathukaké tumindak-tumindak durjana. Penémbakan misterius (pétrus) ing taun 1983-1984 marang para durjana uga ndadèkaké tato kanggo tengeran wong-wong bakal kanggo targèt.[1]

Rujuan[besut | besut sumber]

  1. ^ a b Handoko, C.T.. 2010. | http://hubsasia.ui.ac.id/article/view/215 | Perkembangan Motif, Makna, Dan Fungsi Tato Di Kalangan Narapidana Dan Tahanan Di Yogyakarta. Makara Seri Sosial Humaniora. Volume 14(2), pp.107-116