Sandyakala Ning Majapahit

Saka Wikipédia Jawa, bauwarna mardika basa Jawa

Sandyakala Ning Majapahit ya iku lakon sujarah kang dianggit déning Sanoesi Pane.[1][2] Lakon iki dhedhasar saka sujarah nuju bubaré Kraton Majapahit, ana Jawa Wétan.[1] Sumber ceritané saka Serat Pararaton, Serat Kanda, Serat Damarwulan, lan Babad Blambangan.[1]

Boen S. Oemarjati, kang naté nggawé sinopsis lan mbahas lakon iki, nyimpulaké yèn Sanusi Pane arep nudhuhaké yèn jayaning kraton kudu dijurung jujuré lan unggulé pribadi para pamimpiné.

Miturut A. Teeuw, ana bukune Sastra Baru Indonesia 1 (1980), lakon iki nggambaraké prastawa-prastawa kang wigati ana sujarah lawas Jawa.[3] Panganggité ora akèh nyimpang saka sumber asalé kaya kang ditapsir déning para orientalis Landa, kang paling menarik ngenani karya iki ya iku unsur tragedhiné, malah unsur fatalismé.[3] Sithik banget sinambungané karo gegayuhan kabangsan ngenani sawijining wiwitan jaman anyar kanggo Indonesia kanthi suwasana sedhih kang ana ing lakon iku.[3] Lakoné kang merjuangaké apa kang bener nemoni pati kanthi tragis.[3]

Cathetan suku[besut | besut sumber]

  1. a b c Dendy Sugono 2003, kc. 221.
  2. Dariyanto, Erwin (8 January 2016). "Lakon Sandyakala Ning Majapahit dalam Kisruh Golkar yang Kian Meruncing". detik.com. Dibukak ing 8 August 2016.
  3. a b c d Teeuw 1980, kc. 49.

Bibliografi[besut | besut sumber]

  • Dendy Sugono, èd. (2003). Ensiklopedia Sastra Indonesia Modern. Bandung: Remaja Rosdakarya. ISBN 979-692-283-5.
  • Teeuw, A. (1980). Sastra Baru Indonesia jilid 1. Ende: Nusa Indah.

Pranala njaba[besut | besut sumber]