Sènter

Saka Wikipédia Jawa, bauwarna mardika basa Jawa
Sènter

Sènter utawa suklih utawa sentolop ya iku piranti listrik portabel kang ngasilaké cahya kanggo pepadhang, kang sumberé nganggo baterai. Sènter dumadi saka sumber cahya kang dipasang ana ing sajeroning reflektor parabolik utawa piranti liyané, kaca (lensa) kang semrawang lan mumpanggate kanggo ngalingi sumber cahya lan nyegah karusakan sumber ènèrgi ya iku batré, lan saklar listrik. Saka batré listrik mili menyang balon/dop (bohlam) cilik kang ngasilaké cahya ngliwati saklar kang panggonané ana ing tengah-tengah antarané batré lan lampu. Sènter ing lumrahé bisa dimumpanggatake kanggo lampu pepadhang ing wayah kang diperlukake kaya ta ana ing listrik mati, ing pertambangan, lan makarya ing wayah wengi kaya ta nyuluh.Ing sajeroning sandi morse sènter uga ana mumpanggate ya iku kanggo ngirim kodhe morse.