Ra

Saka Wikipédia Jawa, bauwarna bébas abasa Jawa
Ra kanthi sirah garuda

In Mitologi Mesir, Ra iku mujudaké déwa srengéngé. Dhèwèké uga diarani Re, Amun-Ra, Ra-Horakhty lan manéka warna jeneng liyané. Dhèwèké iku déwa sing paling gatèn ana ing Mesir kuna. Disebutaké yèn dhèwèké lair saben isuk ing Wetan lan tinggal donya saben wengi ing Kulon. Ing wayah wengi dhèwèké nyabrang liwat yamani. Iki njalari pérangan Kulon saka kali Nil diarani tanah pati.

Jeneng[besut | besut sumber]

Ra dipitaya minangka déwaning srengéngé lan panyipta. Jeneng Ra asal mulané saka Re lan Amen. Jeneng Re asalé saka Mesir Udhik lan jeneng Amen saka Mesir Ilir. Nalika Mesir Udhik lan Ilir manunggal jenengé malih dadi Amen-Re. Punjul éwonan taun, jeneng Amen-Ra owah dadi Amen-Re nuli owah meneh dadi Ra. Wiwit dina iku, wong-wong nuli ngarani dhèwèké Re utawa Ra.Ra biyén artiné "cangkem" ing basa Mesir Kuna. Jeneng liyané ya iku Re, sang Panyipta, Khepry, lsp.

Praupan[besut | besut sumber]

Ra nduwé wujud sing manéka warna, dhèwèké bisa muncul kanthi rupané sing paling kondhang awujud manungsa sirah garuda mawa piringan srengéngé ing sandhuwuré. Dhèwèké uga asring digambaraké minangka sekarab utawa manungsa. Sing sijiné ya iku Amun-Ra, sawijining bandhot, lan sing liyané, Ra-Hakorthaty, déwa akasa srengéngé.

Kanca lan mungsuh[besut | besut sumber]

Ing sawijining kala ing Praja Tengahan, Ra lan Osiris kekancan. Bab iki ora lumrah amarga Osiris dumunung ana ing Yamani lan Ra dumunung ana ing Swarga. Déwa-déwa liyané péngin uga kekancan karo Ra, kanthi pangajab, yèn kekancan karo Ra, dhèwèké bakal ngandani jeneng wadiné. Nanging Ra uga nduwé sawèneh mungsuh. Seth kala-kala dadi mungsuhé Ra, nanging Seth ngréwangi Ra nalika dhèwèké tarung klawan Apep, déwa ula. Kasunyatan yèn Seth ngrewangi Ra ngélingaké para déwa liyané yèn Seth satemené ora kabèh ala. Isis minangka mungsuh Ra sing liya. Isis ngakali Ra supaya mènèhi jeneng wadiné saèngga bojoné, Osiris, bisa dari ratuning para déwa.

Kadigdayan[besut | besut sumber]

Ra kapitayan minangka dewa Mesir sing paling sekti ing babagan kadigdayan. Kasektèné dhèwèké ana ing jeneng wadiné. Sing ngerti jeneng wadiné amung dhèwèké mula mligi dhèwèké sing bisa nganggo kasektèné. Dhèwèké bisa nyipta apa waé, manungsa, donya, lan uga swarga. Mangkono iku karosané. Nuju sawijining dina, Isis péngin bisa nduwéni kadigdayané Ra. Dhèwèké ngutus sarpa saperlu ngracun Ra nalika dhèwèké lagi mlaku-mlaku, lan nalika kelaran, dhèwèké teluk, nuli ngandani Isis jeneng wadiné. Isis banjur nyingkiraké Ra marang Duat mula Osiris, bojoné, bisa dadi ratu.

Rujukan[besut | besut sumber]

  1. Remler, Pat, Egyptian Mythology from A-Z 180-181
  2. Watterson, Barbara, Gods of ancient Egypt
  3. Wilkinson, Richard, The Complete Gods and Goddesses of Ancient Egypt
  4. John, Banes and Jaromir, Malek, The Cultural Atlas of the World: Ancient Egypt 173