R. Intojo
R. Intojo ya iku juru gurit ingkang lair wonten Tulungagung, Jawa Timur tanggal 27 Juli 1912[1].
Sejarah[besut | besut sumber]
Pawiyatan bakunipun wonten Majakerta ya iku HIS (Holland Inlandsche School). Lajeng nglampahaken wonten HIK (Holland Inlandsche Kweek School) wonten kutha Blitar. Ananging tahun 1930, amargi kaanan kasarasan ngkang mboten saé, panjenenganipun pindhah wonten HIK Gunungsari, Lembang, Bandung. Wonten mriki padamelan juru gurit R. Intojo dipunwiwiti kanthi mbabar kalawarta Pujangga Baru (Juli 1993). Amargi menika, wonten khazanah sastra Indonésia, dipunsebat tokoh Pujangga Enggal. Menawi nyerat gurit, R. Intojo ngginakaken asma sanès inggih menika Rhamedin, Heldas, Hirahamra, Ibnoe Sjihab, Imam Sopardi, kaliyan Indera Bangsawan. Ngantos sak menika ugi mboten saget dipunpitados asma aslinipun amargi wonten ing kathah sumber bènten-bènten. Wonten satunggaling sumber, R. Intojo menika nama aslinipun Rhamedin, ananging wonten sumber sanès dipunsebataken menawi R. Intojo menika nama asli. Sawetara nama-nama samaran menika dipunginakaken menawi nyerat gurit abasa Indonésia, ananging asma Intojo kedhah diginakaken wonten ing gurit-gurit Basa Jawi.
Karya-karya[besut | besut sumber]
R. Intojo nyerat gurit wiwit taun 1933 ngantos 1941, amargi taun 1942-1944 luwih-luwih lajeng Indonésia mardika taun 1945 sampun mboten wonten gurit-guritipun ingkang saged dipanggihi. Sanadyan menika, R. Intojo mboten mandheg lumampah wonten ing donya sastra amargi tasih nyerat esai wonten ing warni-warni kalawarta. Salah setunggaling ésai ingkang misuwur inggih menika "Amir Hamzah lan Chairil Anwar". Ésai menika dipunbabar wonten kalawarta Indonesia, No. 10 Taun II, Juni 1951. Ésai menika ringkesan saking gurit (sajak) Amir Hamzah kaliayn Chairil Anwar. Ésai ingkang liyan inggih menika "Pantun" dipunbabar wonten kalawarta Indonesia, No. 4 lan 7, taun III, 1952. Ésai R. Intojo ingkang dipunbabar wonten kalawarta Nasional Desember 1952 ngaturaken babagan wujud ugi corak gurit-guritipun Muhamad Yamin wonteng Jong Sumatra kaliyan trèn gurit énggal Indonésia.
Sedaya gurit-gurit R. Intojo ingkang dipunserat ngagem basa Jawi ugi basa Indonésia saged dipunringkes inggih menika gurit abasa Indonésia wonten 17 "Cend'ra durja" (Semangat Pemuda, Mei 1932; lajeng diamot Pujangga Baru, No.2, Taun V, Agustus 1937); "Zaman yang Mulia" (Semangat Pemuda, 15 Agustus 1932; lajeng diamot Pujangga Baru, No. 6, taun V, Dhésèmber 1937;"Pulau Bali" (Pujangga Baru, No.1, Taun I, Mèi-Juli 1933); "Ibu ..." (Pujangga Baru, No.1, Taun. I, Mèi-Juli 1933).
Kagiyatan[besut | besut sumber]
R. Intojo ugi kalebet wonten kathah kagiyatan dhiskusi babagan masalah sosial-budaya umumipun. Wanci tanggal 26-27 April 1952, R. Intojo ndhèrèk kagiyatan simposium ingkang kalenggahan ing Jakarta déning para seniman Gelanggang ingkang makarya kalih Lekra, Liga Komponis, PEN-Club Indonesia
Rujukan[besut | besut sumber]
- ↑ Widati, Sri; Prabowo, Dhanu Priyo; Rahayu, Prapti (Cetakan Ketiga, Desember 2015). R. Intojo. Yogyakarta: Balai Bahasa Yogyakarta. kc. 428–430. ISBN 9789791852357.
{{cite book}}: Check date values in:|year=(pitulung)