Pratélaning tembung Jawa asal basa Walanda

A

• aliyas (saka tembung alias) tegesé jenenge liya.
• artikel (saka tembung artikel) tegesé (1) bab ing undhang-undhang, (2) jejer ing karangan utawa plot, lan (3) tulisan mawa irah-irahan tinamtu.
• apèl (saka tembung appel) tegesé (1) ngulur prakara marang pangadilan kang luwih dhuwur lan (2) nglumpukaké prajurit.
• amral (saka tembung admiraal) tegesé sénapati lautan.

B

• benèt (saka tembung kabinèt) tegesé lemari cilik cendhèk.
• boncis utawa buncis (saka tembung boontjes) tegesé tetuwuhan bangsa kara.
• bir (saka tembung bier) tegesé inuman bangsa legèn.
• bur (saka tembung boor) tegesé piranti dianggo ngunceki utawa gawé bolongan; jara.
• baron (saka tembung baron) tegesé sesebutané pangéran ing Éropah.
• branduwin (saka tembung brandewijn) tegesé inuman bangsa legèn kang mendemi banget.
• brug (saka tembung brug) tegesé kreteg.
• barliyan utawa barléyan (saka tembung brillant) tegesé intên kang wus disarawèdi.
• bregada (saka tembung brigade) tegesé prajurit sagolongan.
• buk (saka tembung boek) tegesé buku utawa cathetan.
• baki (saka tembung bakje) tegesé témbor.
• Batawi (saka tembung Batavia) tegesé Kutha Batavia (saiki Jakarta) lan sing ndunungi.
• botol utawa botel (saka tembung bottel) tegesé gendul.
• bas (saka tembung baas) tegesé lelurahé wong nyambut gawé, kaya ta tukang kayu lan tukang watu.
• beskuwit utawa besuwit (saka tembung beschuit) tegesé panganan bangsa roti.
• buwi (saka tembung boei) tegesé kunjara.
• balok (saka tembung balk) tegesé kayu sing wis diprèjèngi wangun pesagi.
• blodir (saka tembung berduren) tegesé sulam.
• bulsak (saka tembung bulzak) tegesé kasur.
• bum (saka tembung boom) tegesé wesi utawa kayu dawa cacadané kréta.
• bangku (saka tembung bank) tegesé (1) dhingklik palinggihan lan (2) méja sikilané cendhèk.

C

• cakur (saka tembung jachthoorn) tegesé wadhah obat.
• cal utawa sal (saka tembung syaal) tegesé rimong kanggo ubed-ubed gulu.

D

• delèr (saka tembung Edel Heer) tegesé sesebutané para warga Rad Indiya.
• derbis (saka tembung donderbus) tegesé jinis bedhil.
• derbus deleng tembung derbis.
• dim (saka tembung duim) tegesé 1 1/12 kaki (± 2,54 cm).
• drèl (saka tembung drillen) tegesé unining bedhil bebarengan kanggo kurmat. Tembung varian: edrèl.

Dh

• dham (saka tembung damspel) tegesé aran dolanan nganggo blabag digambari pesagèn-pesagèn abang putih utawa irêng putih.
• dhamdhaman deleng tembung dham.
• dhangsah (saka tembung dansen) tegesé jogèd cara Éropah.
• dhipisi (saka tembung divisie) tegesé golongan prajurit.
• dhis (saka tembung dienst) tegesé dadi saradhadhu.
• dholok (saka tembung dolk) tegesé glathi.
• dhongkrah (saka tembung dommekracht) tegesé piranti dianggo ngegol montor.
• dhongkrak deleng tembung dhongkrak
• dhus (saka tembung doos) tegesé wadhah kothakan kang digawé dluwang kandêl.
• dhuwit (saka tembung duit) tegesé sarananing urup-urupan kang diwujudi ing cithakan tembaga utawa slaka.

È

• èrloji (saka tembung horologie) tegesé jam.
• èngsèl (saka tembung hengsel) tegesé sindikan ing kuponing lawang (inebing lawang).

G

• gurnat (saka tembung granaat) tegesé piranti kanggo njeblukaké bangsané bom.
• grutni, gruteni, utawa teni (saka tembung grootenne) tegesé sandhangan dhines.
• got (saka tembung goot) tegesé larèn utawa kalèn.
• gitnisa (saka tembung grootkruis) tegesé palang gedhé.
• gas (saka tembung gaas) tegesé jisim kang kaanané kaya hawa.
• gèsper (saka tembung gesp lan gespen) tegesé timangan cathokan cilik.
• gladri utawa gadri (saka tembung galderij) tegesé èmpèr ngarêp.
• gelas (saka tembung glas) tegesé piranti kanggo ngombé saka kaca.
• guldhen (saka tembung gulden) tegesé rupiyah.
• guprenur (saka tembung gouverneur) tegesé lelurah wewengkon.
• gupremèn (saka tembung gouvernement) tegesé pamaréntah.

H

• hak (saka tembung haak) tegesé canthélan.
• Holan (saka tembung Hollandsch) tegesé Walanda.
• hup (saka tembung hoofd) tegesé lurah.

J

• jenèwer (saka tembung janever) tegesé aran inuman keras.
• jendral (saka tembung general) tegesé panggedhéning prajurit.
• juris utawa joris (saka tembung joris) tegesé kethèk.
• jas (saka tembung jas) tegesé klambi lanang (potongan Kulonan).
• juli (saka tembung juli) tegesé aran sasi kang kapitu.
• jager (saka tembung jager) tegesé aran prajurit.
• jongos (saka tembung jonges) tegesé (1) batur Walanda, lan (2) paladèn ing hotèl lsp.

K

• kaos (saka tembung kous) tegesé mojah sikil utawa tangan.
• kenir (saka tembung knier) tegesé èngsèl lawang.
• kenèker utawa nèker (saka tembung knikker) tegesé dhir.
• kenap (saka tembung knaap) tegesé méja cilik bunder utawa pesagi.
• kenur (saka tembung snur) tegesé (1) bolah rami lan (2) tali ing pancing.
• kandelar utawa pandelar (saka tembung kandelaar) tegesé ajug-ajug lilin.
• kantin (saka tembung cantine) tegesé (1) kamar kasukan ing bètèng, (2) papan padhaharan.
• kantor (saka tembung kantoor) tegesé papan dianggo ngurus bab administrasi.
• kontrak (saka tembung kontrakt) tegesé prajanjian nyambut gawé.
• kar (saka tembung kaart) tegesé petha utawa gambar bumi.
• kristin, krastin, kestin, utawa kesting (saka tembung satijn) tegesé bakal saèmper sutra.
• kruwik (saka tembung kruik) tegesé goci.
• krebin, karabin utawa karibin (saka tembung karabijn) tegesé bedhil cilik.
• krebil utawa kerbil (saka tembung korbeel) tegesé kayu sanggan blandar mencok ing saka.
• koki (saka tembung kok utawa kokkin) tegesé tukang olah-olah.
• kèker (saka tembung kijker) tegesé piranti dianggo ndedeleng barang kang adoh-adoh.
• kokar (saka tembung kokarde) tegesé ciri rupa pita.
• kakus (saka tembung kakhuis) tegesé jumbleng.
• kokis (saka tembung kukjes) tegesé roti saèmper apem.
• kètèl (saka tembung ketel) tegesé cèrèt gedhé.
• kusir (saka tembung kutsier) tegesé tukang nglakokaké kréta.
• kestal, setal, kestalan (saka tembung stal) tegesé gedhogan.
• kestèl utawa setèl (saka tembung stel) tegesé prangkat utawa rakitan.
• kestop utawa setop (saka tembung stof) tegesé jinis bakal kanggo gawé klambi.
• kestabel utawa setabel (saka tembung constabel) tegesé prajurit mriyeman.
• kespur utawa sepur (saka tembung spoor) tegesé kreta api.
• kul (saka tembung kool) tegesé kobis.
• kelah(saka tembung klagt) tegesé gugat.
• kulnèl, kolènèl, utawa kurnèl (saka tembung kolonel) tegesé pangkat panggedhé saradhadhu.
• kèlèr (saka tembung kelder) tegesé kothak wadhah gendul jenèwer.
• kaléja (saka tembung kleedje) tegesé klasa.
• klonyo utawa plonyo (saka tembung cologne) tegesé lênga wangi.
• kelam (saka tembung klamp) tegesé wilahan wesi utawa kayu dianggo pikukuhing sambungan.
• kap (saka tembung kap) tegesé thonthor.
• kopi(saka tembung koffie) tegesé aran wit lan wohé kang digawé wédang bubuk.
• kiper (saka tembung keper) tegesé kang njaga gul tumrap dolanan bal-balan.
• koper (saka tembung koffer) tegesé pethi dianggo wadhah sandhangan.
• kopral (saka tembung korporaal) tegesé aran pangkat saradhadhu.
• kaptin utawa kapitan (saka tembung kapitein) tegesé (1) aran pangkat panggedhé saradhadhu lan (2) panggedhé kapal.
• kumendur (saka tembung kommandeur) tegesé aran pangkat panggedhé saradhadhu.
• kemandhah (saka tembung kommando) tegesé aba-aba utawa pakon sajeroning kaprajuritan.
• kumendhan (saka tembung kommandant) tegesé lelurah saradhahdu.
• kumpeni (saka tembung compagnie) tegesé pakumpulan dagang.
• kompor utawa komper (saka tembung komfoor) tegesé anglo mawa oncor lenga utawa gas.
• kemidhi, komidhi, utawa kumidhi (saka tembung komidie) tegesé tontonan ulah kaprigelan.

L

• landrat (saka tembung landraad) tegesé pangadilan sing mriksa prakara.
• lantéra (saka tembung lantaarn) tegesé damar.
• lentéra deleng lantéra.
• lak (saka tembung lak) tegesé bangsaning jabung warna abang.
• laken (saka tembung laken) tegesé sengkelat.
• lèker (saka tembung lekker) tegesé énak.
• lat (saka tembung laat) tegesé kasèp.
• lot (saka tembung lood) tegesé (1) layang sing ana angkané kanggo lotré, lan (2) timah gilig lancip digandhulaké kanggo nyumurupi jejeg lan orané cagak, témbok, lsp.
• litnan (saka tembung luitenant) tegesé aran pangkat saradhadhu utawa panggedhéning bangsa Cina utawa Arab.
• lis (saka tembung lijst) tegesé (1) plisiran ing kayu utawa témbok sing mbrenjul, lan (2) cathetan urut-urutaning jeneng, lsp.
• lès (saka tembung lezen) tegesé piwulang utawa kursus.
• los (saka tembung loods) tegesé ikal-ikalan.
• lespangan (saka tembung spaning) tegesé aran lelara ing weteng.
• lésiyun (saka tembung legioen) tegesé prajurit.
• lapur (saka tembung rapport) tegesé ngaturaké prakara apa-apa marang pulisi, lsp.
• loper utawa lopor (saka tembung looper) tegesé kenèk kang nuntun jaran rakitan.
• loji (saka tembung loge) tegesé omah gêdhong.
• legandir (saka tembung grenadier) tegesé prajurit mawa grenat.
• legunder (saka tembung gragonder) tegesé prajurit jejaranan.
• lèger (saka tembung legger) tegesé tong gedhé kanggo wadhah banyu.
• labrag (saka tembung rabraken) tegesé pilara.

M

• musik (saka tembung muziek) tegesé bangsa gamelan Éropah.
• musikan (saka tembung muziekant) tegesé juru musik.
• mestri (saka tembung meester) tegesé sebutaning dhukun.
• mal (saka tembung mal) tegesé klebut.
• mayor (saka tembung majoor) tegesé pangkat sadhuwuring kaptin.

O

• oli (saka tembung olie) tegesé lenga.
• ongkos (saka tembung onkost) tegesé wragad.

P

• pun (saka tembung pond) tegesé bobot ½ kg.
• ponès (saka tembung vonnis) tegesé pepancasan pangadilan
• panci utawa pancé (saka tembung pannetje) tegesé piranti mangsak gilig saka logam.
• pondhemèn utawa pandhemèn (saka tembung fondament) tegesé bebatur utawa tetales omah kang dipendhem.
• poci (saka tembung potje) tegesé téko.
• picis (saka tembung pietje) tegesé (1) dhuwit lan (2) ketip; 10 sèn.
• pir (saka tembung veer) tegesé wilahan waja tipis lan mendal, kaya ta ing rodha kréta.
• prèi (saka tembung vrij) tegesé libur; lèrèn ora sekolah utawa nyambut gawé.
• prenis utawa pernis (saka tembung vernis) tegesé aran cèt gilap.
• porok (saka tembung vork) tegesé garpu.
• partikelir (saka tembung particulier) tegesé dudu yeyasan nagara, dudu dhines.
• presèn utawa persèn (saka tembung present) tegesé bebungah.
• pursekot (saka tembung voorschot) tegesé empingan.
• presil utawa persil (saka tembung perceel) tegesé bumi nagara kang diséwa 75 taun.
• permili (saka tembung familie) tegesé sanak sêdulur.
• pregul utawa pergul (saka tembung verguld) tegesé nyepuh nganggo emas.
• pak (saka tembung pacht) tegesé pajeg marang nagara supaya kena adol apyun utawa bukak gadhéan.
• pokrol utawa pokrul (saka tembung procureur) tegesé juru ngembani prakara ana ing pangadilan.
• pot (saka tembung pot) tegesé jembangan wadhah tamanan.
• patrol utawa patroli (saka tembung patrouille) tegesé nganglang njaga.
• patrum (saka tembung patroon) tegesé jubungan isi obat lan mimis.
• pas (saka tembung pas) tegesé trep.
• pestil utawa pastil (saka tembung pastel) tegesé panganan saèmper kuwih.
• pistul (saka tembung pistool) tegesé bedhil cilik lan cendhak.
• pal (saka tembung paal) tegesé ukuran dawa 1507 m.
• pilar (saka tembung pilaar) tegesé saka gedhé kang digawé témbok.
• plekat (saka tembung plakaat) tegesé undhang-undhang.
• plat (saka tembung plaat) tegesé blébékan sèng.
• polèt (saka tembung epoulet) tegesé très utawa setrip ing lengenan.
• plitur (saka tembung polituer) tegesé cèt dianggo nggilapaké piranti kaya ta méja lan kursi.
• plès (saka tembung flesch) tegesé gendul.
• plesir utawa plaisir (saka tembung pleizier) tegesé mlancong utawa dolan-dolan.
• plèster (saka tembung pleister) tegesé tamba tatu.
• pulmak (saka tembung volmagt) tegesé wewakil.
• polong (saka tembung peulen) tegesé woh-wohan bangsa kacang lan kapri.
• pompa (saka tembung pomp) tegesé piranti dianggo nyêmprotake banyu utawa angin.
• pabrik (saka tembung fabriek) tegesé panggonan gawé barang sarana mesin-mesin.
• perklaring (saka tembung verklaring) tegesé layang katerangan ing prakara. Tembung varian: uperklaring.

R

• rundha utawa rondha (saka tembung ronde) tegesé nganglang ing wayah bengi.
• roki utawa rok (saka tembung rok) tegesé klambi dawa.
• rikning utawa rèkening (saka tembung rekening) tegesé itung.
• rèken (saka tembung reken) tegesé réka.
• rad (saka tembung raad) tegesé keklumpukané wong sing kajibah ngrembug utawa awèh pamrayoga.
• rus (saka tembung roos) tegesé kembang mawar abang.
• russedhah (saka tembung rustdag) tegesé dina libur.
• résidhèn (saka tembung resident) tegesé priyayi Walanda sing dadi panggedhéné wewengkon.
• rol (saka tembung rol) tegesé pangadilan kang mriksa prakara palanggaran cilik-cilik.
• rolak utawa rolah (saka tembung rollang) tegesé bata kang ditata ngadeg ing sadhuwuring palang kori.
• rolis (saka tembung rollezen) tegesé nacahaké kuli nyambut gawé.
• répot (saka tembung rapport) tegesé rèbyèg.
• ram (saka tembung ram) tegesé (1) jendhéla lan (2) wengkuné pangilon.
• rumpi (saka tembung rompye) tegesé klambi jas kotang kanggo rangkepan klambi jas bukak.
• règen (saka tembung regent) tegesé bupati.
• rebal utawa perbal (saka tembung proces-verbaal) tegesé cathetan papriksané prakara kang bakal katur marang pangadilan.
• rangsum (saka tembung rantsun) tegesé pangan kanggo saradhadhu.

S

• salomprèt, deleng tembung slomprèt.
• senapan (saka tembung snaphaan) tegesé bedhil.
• srebèt utawa serbèt (saka tembung servet) tegesé kacu.
• sak (saka tembung zak) tegesé kanthongan klambi.
• sekonyar (saka tembung schooner) tegesé jinis prau.
• sekoci (saka tembung schuitje) tegesé jinis prau cilik.
• sekotor (saka tembung kotter) tegesé jinis prau.
• soklat (saka tembung chocolaad) tegesé panganan (bubukan) saka woh wit.
• sekongkel (saka tembung gekonkel) tegesé sekuthu.
• setrika (saka tembung strijken) tegesé piranti dianggo ngêlus klambi.
• setrap (saka tembung straf) tegesé paukuman.
• setrup (saka tembung stroop) tegesé jurjuran gula dicampuri banyu woh-wohan
• setriman (saka tembung stuurman) tegesé juru mudhi.
• setat (saka tembung staat) tegesé layang klowongan kang diisèni katrangan prakara warna-warna.
• setut (saka tembung stoot) tegesé (1) pungkasané sabuk wlulang, (2) sabuk.
• setiwel (saka tembung stevel) tegesé wlulang urungé sikil (lumrahé dianggo ana bal-balan).
• sosis (saka tembung saucijs) tegesé daging cacah dibumboni diwangun bumbungan.
• selèdri utawa slèdri (saka tembung selderij) tegesé sayuran sing dianggo campuran sop, bakso; Apium graveoles.
• suldhat (saka tembung soldaat zie saradhadhu) tegesé prajurit.
• selomprèt deleng tembung slomprèt.
• salébrak utawa slébrak (saka tembung schabrak) tegesé lèmèk lapak.
• sop (saka tembung soep) tegesé jangan digawé duduh iwak (ampasé wortel, slèdri, kacang, lsp).
• sopi (saka tembung zoopje) tegesé jinis arak.
• sepèn (saka tembung dispens) tegesé kamar kanggo wadhah panganan.
• sepir (saka tembung cipier) tegesé wong sing njaga kunjara.
• semir (saka tembung smeer) tegesé barang lintreg-lintreg dianggo nggosok sepatu, ngireng rambut, lsp.
• semur (saka tembung gesmoord) tegesé aran lelawuhan.
• sègel (saka tembung zegel) tegesé cap atas nama pamaréntah (racaké minangka pasaksiné prajanjian).
• slomprèt (saka tembung trompet) tegesé unèn-unèn sing anggoné ngunèkaké sarana disebul. Tembung varian: salomprèt, selomprèt, tarompèt.

T

• taksir (saka tembung taxeer) tegesé pangira-ira tumrap wuragad. Tembung varian: teksir, kala-kala uga tapsir lan tepsir.
• tambur (saka tembung tamboer) tegesé unèn-unèn bangsa trebang urungé cendhak wlulangé kiwa tengen sarta nganggo èthèr-èthèr.
• taplak (saka tembung tafellaken) tegesé lawon lèmèk méja.
• tapsir, deleng tembung taksir
• tar (saka tembung taart) tegesé panganan bangsa roti.
• taromprèt, deleng tembung slomprèt.
• teksir, deleng tembung taksir
• tepsir, deleng tembung taksir
• tesmèn (saka tembung testament) tegesé wasiyat.
• tèken (saka tembung teeken) tegesé tandha tangan.
• tir (saka tembung teer) tegesé barang cuwèr rupané ireng sok dianggo ngecèt.
• tong (saka tembung ton) tegesé wadhah sing digawé kayu.
• tuwidhé, deleng tembung twidhe.
• twidhe (saka tembung tweede) tegesé angka kaping kalih.

U

• uperklaring (saka tembung op verklaring) deleng tembung perklaring.
• upas (saka tembung oppasser) tegesé batur kang dianggo kongkonan, lumrahé ana ing kantor-kantor.
• upsir (saka tembung officier) tegesé aran pepangkatan ing saradhadhu.
• urdenas (saka tembung ordonnans) tegesé utusan.
• urdi (saka tembung order) tegesé dhawuh.
• usar (saka tembung huzaar) tegesé prajurit jejaranan.

W

• Walanda (saka tembung Hollansch tegesé wong Éropah saka nagara Nèderlan.