Prasasti Sukawana
Prasasti Sukawana kaperang dadi lima kumpulan, Prasasti Sukawana AI lan AII kalebu ing panunggalan prasasti sing cacahe ana lima lembar. Kabeh prasasti kagawe saka tembaga sing ukuran dawa, amba, lan kandhele meh pada. Ana telu jinise prasasti kaperang saka medhia pangukire, yaiku upala (watu), tamra (tembaga, lsp), lan ripta (lontar)[1]. Amarga iku Prasasti Sukawana kagolong prasasti tamra.
Saka perangan-perangan kuwi, Prasasti Sukawana B dibabarake taun 1103 Saka utawa 1181 Masehi. Diukir kanthi aksara lan basa Jawa Kuna. Prasasti dibabarake awit saka anane bengkerengan ing antarane warga Dhusun Cintamani lan jawatan pangumpul pajek (sang admak akmitan apigajih). Bengkerengan kedaden ing dina katelu wulan Cetra utawa sasih kesanga. Raja minangka pangayom warga mbabarake prasasti supaya mujudake tatanan warga sing ayem lang ayom, mligine ditujukake marang Dhusun Cintamani[2].
Alihaksara lan Alihbasa[3]
[besut | besut sumber]| Alihaksara | Bait | Alihbasa |
|---|---|---|
| Lembar I B | ||
| ing ҫaka 1103 ҫrawanamàsa, tithì nawamì çuklapaksa, ma, pà, bu, wàra wayang, irikà diwaca, ajñà pàdu | 1 | Ing taun 1103 Saka Wulan Srawana dina kasanga suklapaksa, Maulu, Paing, Buda (Rebo), Wuku Wayang, dina iku dina sing becik saka parentah Paduka |
| ka çrì mahàràja haji jayapangus arkaja cihnà saha ràjapatnì dwaya, pàduka çri parameçwarì indujalañcana, pàduka çri | 2 | Sri Maharaja Jayapangun Arkajacihna lan prameswari sakeloron Paduka Bathari Sri Prameswari Indujalancana lan Paduka Sri |
| mahàdewì çaçangkajaketana, umajar iparasenàpati, umingsori tanda rakryan ri pakirakiràn i jro makabaihanka | 3 | Mahadewi Sasangkajaketana paring dhawuh marang para senapati mangisor marang para punggawa inggil saka sarasehan agung negari |
| ruhun mpungku çaiwa sogata åsi mahàbrahmàna, i pingsornyàjñà pàduka çri màharàja, ajarên sira kabaih sambanda | 4 | mligi Pandhita Siwa lan Budha, Resi, Brahmana Agung. Mudhun dhawuh Paduka Sri Maharaja ngandharake marang paduka sedaya amarga |
| mangrênggö pàduka çri mahàràja, ri katidopàya nikang karàman, epukapgan tan wringdaya alaholahalêh mawi | 5 | Paduka Sri Maharaja mireng susasahing warga sing ora nduwe daya mesthi asor ing parembugan |
| càra, pinurihpurihan denira sang admak akmitan apigajih, angkên cetramasa, ikà tàngde, trasanta sah ni manah nikang kara | 6 | babagan pinurih purihan (pajek/kewajiban) lan sang admakakmitan apigajih dalem ing saben Wulan Cetra. Punika sabab susasahing manah warga |
| Lembar VIII A | ||
| tlas sinaksyakên i sanmukha tanda rakryàn ri pakirakiràn i jro makabaihan makàdi parasenàpati, karyhun mpungku çewa soga | 1 | wis kapiyarsakake ing ngarepe para punggawa inggil negara diwan sarasehan paripurna negara ing awatawisipun para senapati, mligi Pandhita Siwa lan Budha |
| ta, sira hana kàla samangkana sang senàpati balêm bunut pu anakàs, sang senàpati dinganga pu udasina sang senàpati dênda hitawasa | 2 | ingkang kepareng rawuh nalika kuwi Sang Senapati Balem Bunut asmanipun Pu Anakas, Sang Senapati Denda asmanipun Pu Itawasana |
| na, sang senàpati maniringin pu amurulung sang senàpati kuturun pu nirjanma samgat mañuratàng àjñà i hulu madatan wring reh, samgat ma | 3 | Sang Senapati Manyiringin asmanipun Pu Amulurung, Sang Senapati Kuturan asmanipun Pu Nirjanma, Samgat Manuratang ajna i Hulu asmanipun Mada Tan Wring Reh |
| nùratàng ajña i tngah mittadara samgat mañumbul dhiràja, samgat caksu karanapura walaharsa, samgat mañuratàng ajña i wuntat margga sa | 4 | Samgat manuratang ajna I Tengah asmanipun mittadara, samgat manyumbul asmanipun dhiraja, samgat caksu karanapura asamanipun Walaharsa, samgat manuratang ajna I Wuntat asmanipun Masrgga, samgat |
| mgat caksu karana kranta antabhaya samgat pituha ju(gu)l punggung sireng kaçewan mpungkwing hyang padang dang àcàryya agreçwara, mpungkwing banu ga | 5 | Caksu karanakranta asmanipun Antabhaya, samgat pituha asmanipun Jugul punggung. Pandhita Siwa awatawisipun Mpungku di Hyang Padang bernama Dang Acaryya Agreswara, Mpungku di Banyu Garuda |
| ruda dang àcàryya wwitningjaya, mpungkwing binor dang àcàryya rsi taruna, mpungkwing makaran dang àcàrrya indrangça, samgat juru wadwa dang àcàryya | 6 | asmanipun Dang Acaryya Wwitningjaya, Mpungku di Binor asmanipun Dang Acaryya Rsi Taruna, Mpungku di Makarun asmanipun Dang Acaryya Idrangsa, samgat juru wadwa asmanipun Dang Acaryya |
| Lembar VIII B | ||
| brahmendra, sireng kasogatan pungkwing kàdhikaran dang upadhyaya sarwwa tharja, mpungkwing kuti hanar dang upadhyaya antaràga, mpungkwing bajra | 1 | Brahmendra, paduka Pandhita Buddha Mpungku di Kadikaran Dang Upadhyaya Sarwwa Tharja, Mpungku di Kutihanyar Dang Upadhyaya Antaraga, Mpungku di Bajasikara |
| sikara dang upadhya(ya) rarai jawa, samgat mangirengiren wandami mangçpriya | 2 | Dang Upadhyaya Rarai Jawa, samgat di magirenngiren wandami asmanipun Mangçpriya |
Pituduh Toleransi saka Prasasti
[besut | besut sumber]Piwulang toleransi sing ana sajroning Prasasti Sukawana, mligi sing diandharake ing Prasasti Sukawana B, nuduhake anane toleransi agama sajroning pranata negara. Nalika Sang Raja kepareng paring dhawuh para panggedhe saka agama Siwa (Hindu) lan Budha nduweni bobot sing imbang, ora abot sisih, drajat lan pangkate ora dibedakake, kabèh ujare Pandhita Siwa lan Budha sami dimirengake dening Sang Raja tanpa mbedakake. Anane panggedhe saka agama sakelorone bakal mujudake dhawuh dalem sing ora mban cindhe mban siladan, para warga Hindhu lan Budha bakal antuk pangayomane Raja lan Negara kanthi bobot imbang, saengga tatanan urip ing padhusunan tumekan ing kutaraja negara bakal ayem lan tentrem.
Referensi
[besut | besut sumber]- ↑ Boechari (2013). Melacak Sejarah Kuno Indonesia Lewat Prasasti. Jakarta: Kepustakaan Populer Gramedia.
- ↑ Suarbhawa, I; Sunarya, I; Utami, I (2013). Berita Penelitian Arkeologi: Prasasti Sukawana, Desa Sukawana, Kecamatan Kintamani, Kabupaten Bangli. Denpasar: Balai Arkeologi Denpasar.
- ↑ Boechari (2013). Melacak Sejarah Kuno Indonesia Lewat Prasasti. Jakarta: Kepustakaan Populer Gramedia.