Parembugan:Basilika Santo Pétrus

Basilica

Pak @Meursault2004:, tembung Basilika pasang-aksaranipun punapa trep mungguh ing basa Jawi? Wanda menga ing pungkasaning tembung bokbilih klèntu yèn kawaos a jejeg, kamangka ing basa Jawi limrahipun kawaos jejeg. Nyuwun pamanggih. Nuwun Wirjadisastra (rembugan) 14 Novèmber 2017 10.39 (UTC)

Mas Wirjadisastra miturut pamanggih kula menawi tembung sambutan mboten kedah nganggé /h/ wonten wingkingipun. Sawetawis tetembung pancèn nganggé kadosta Éropah lsp. Nanging menika mbokmenawi amargi sampun kaserat dangu ing hanacaraka, dados kedah dipunsukani wignyan. Tembung basilika kaliyan ugi Indonésia lan Wikipédia ugi mboten prelu dipunsukani /h/. Mbokmenawi dangu-dangu basilika saged dipunucapaken dados [basi'likɔ], kados gréja, kréta, pista lsp. Nanging piranti musik menika dipunarani biyulah. Kadosipun tembung saking basa Walandi dipunsukani /h/ wonten wingkingipun. Wangsul malih dhateng basilika, kadosipun tembung menika kadosipun kasambut saking basa Inggris utawi Latin. Menawi kersa saged dipunsalarasaken basa Walandi basiliek, dados basilik. Mbokmenawi langkung saé ing basa Jawi. Meursault2004^ngobrol 14 Novèmber 2017 11.53 (UTC)

Inggih Pak. Kula wau nggih kapikiran badhé nganggé Basilik, nanging wurung awit bokbilih dèrèng limrah mawon. Wirjadisastra (rembugan) 14 Novèmber 2017 12.06 (UTC)

Mangga Mas. Kaliyan nengga publikasi utawi babaran ingkang ngandhut seratan basilika. Meursault2004^ngobrol 14 Novèmber 2017 12.24 (UTC)