Pasisir

Saka Wikipédia Jawa, bauwarna bébas abasa Jawa
(Dilih saka Panté)
Pasisir Kuta ing Bali, Indonésia
Pasisir Virginia ing Amérika Sarékat

Pasisir ya iku wewengkon kang dadi wates watara segara lan dharatan. Wujud pasisir béda-béda miturut kahanan lan prosès kang kedadèn ing wewengkon mau kaya ta pangangkutan, pengendapan lan pangikisan kang disebabaké déning gelombang, arus, angin lan kahanan lingkungan ing saubengé kang kedadèn terus-terusan nganti mbentuk sawijining pasisir.[1]

Manfaat Pasisir[besut | besut sumber]

Akeh manfaat pasisir kanggo kauripan manungsa, mliginé ing laladan tropis pasisir digunaake déning manungsa kanggo akèh hal, ing antarané:

  1. Objek pariwisata
  2. Laladan pertanian pasang surut
  3. Areal tambak uyah
  4. Wewengkon kebon kelapa lan gedhang
  5. Laladan pangembangan indhustri kerajinan rakyat kang duwé corak khas laladan pasisir, lan liya-liyané.[1]

Pasisir uga duwé ékosistem, ékosistem pasisir ya iku ékosistem kang ana ing wewengkon wates watara segara lan dharatan, sajeroning ékosistem pasisir ana komponèn biotik lan komponèn abiotik.[1] Komponèn biotik pasisir kasusun saka wit-witan lan kéwan kag urip ing laladan pasisir, minangka komponèn abiotik pasisir ing antarané gelombang, arus, angin, wedhi, watu lan liya-liyané. Alas Mangrove (alas bakau) ya iku tuladha ékosistem ing laladan pasisir. Ing laladan alas mangrove urip warna-warna jinis kéwan kaya ta munyuk, yuyu, ula lan urang. Alas mangrove bisa nahan abrasi banyu segara.[1]

Cathetan sikil[besut | besut sumber]

  1. ^ a b c d [1]