Pandhémi koronavirus 2019 ing Tanah Thai

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Pandhémi koronavirus 2019 ing Tanah Thai
COVID-19 Outbreak Cases in Thailand.svg
Kar provinsi kang kacathet utawa dikira kasus koronaviruss (nalika 31 Maret):      Kasus kacathet kanthi ana kang ninggal     Kasus kacathet kang dilapuraké     Kasus kang diprakiraaké
COVID-19 Cases in Thailand by province.svg
Gunggung kasus kang kacathet (nalika 30 Maret):      Kacathet 1–9     Kacathet 10–99     Kacathet 100–499     Kacathet 500–999
LaraCOVID-19
Turunan VirusSARS-CoV-2
KapernahTanah Thai
Kadadéan kapisanPapan anggegana Suvarnabhumi
Surya wiwitan13 Januari 2020
(4 months and 5 days)
SumberWuhan, Hubei, Cina
Kadaéan kang kacathet1.771[1]
Kadéan kang nyujayani18.696
Kadadéan kang lara nemen23
Mari416[1]
Mati
12[1]
Official website
ddc.moph.go.th/viralpneumonia/eng
Suspected cases have not been confirmed as being due to this strain by laboratory tests, although some other strains may have been ruled out.

Pandhémi koronavirus 2019 ing Tanah Thai kacathet kapisan nalika wong wadon, 61, saka kutha ing provinsi Hubei lunga menyang Tanah Thai. Banjur wong wadon iku dirawat ing griya sakit ing Nonthaburi cedhak Bangkok wiwit 8 Januari 2020. Nanging dhèwèké saiki wis mari. Tanah Thai ya iku negara kapisan njaba kang nandang COVID-19.[2]

Owah-owahan miturut wektu[besut | besut sumber]

Januari[besut | besut sumber]

Ing sasi Januari, wong wadon Cina kena COVID-19 sakwisé teka ing Tanah Thai. Wong wadon iku duwé tenger kaya ta mriyang, kadhemen, lara tenggorok, lan mumet. Nalika 8 Januari 2020 dhèwèké jupuk jadwal mabur saka Wuhan menyang Tanah Thai kang bebarengan karo 5 anggota kulawarga kang dumadi 16 wong. Nalika teka, dhèwèké dipriksa ing Papan Anggegana Suvarnabhumi, banjur digawa ing griya sakit ing dina kang padha.[3]

Fèbruari[besut | besut sumber]

Ing pungkasan Fèbruari 2020, gunggung kang nandang COVID-19 ing negara iki ya iku 42. Miturut Sukhum Kanchanaphimai, Sekretaris Mentri Kasehatan, kang nandang ya iku wong kang umuré 21 kang nandang saka wisatawan jaban rangkah.[4]

Maret[besut | besut sumber]

Ing tanggal 22 Maret 2020 kacathet 89 kasus kang nandang COVID-19, lan gunggungé dadi 411. Sakliyané iku Gubernur Asawin Kwanmuang mrentah kanggo nutup kabèh mall lan pasar ing Bangkok nalika 22 Maret - 12 April 2020. Namung supermarket, apothèk, lan rèstoran panganan bungkus kang buka ing mall.[5]

Statistik[besut | besut sumber]

Rerincèn kasus kang kacathet lan disujanani ing Tanah Thai (nalika 31 Maret 2020)[6]
Setatus Ing rumah sakit Mati Metu Diteliti Gunggung
Kasus kang kacathet 1.343 12 416 1.771 (+120 saka gek wingi)
kasus kang disujanani 7.353 6.997 2.123 17.140 (+667 saka gek wingi)
Panambahan kasus kacathet kang positif (Nalika 20 Maret 2020)



Upaya menggak[besut | besut sumber]

Winatesé plesir[besut | besut sumber]

Bangkok Airways ngurangi jadwal maburé pesawat lan wurungaké sawenèh jadwal kanggo ngurangi nyebaré COVID-19.[7]

Mentri Kaséhatan Masarakat Tanah Thai ngecakaké pamriksaan marang tamu saka kutha Wuhan ing 3 Januari 2020 ing Papan Anggegana Suvarnabhumi, Dom Mueang, Phukèt, lan Chiang Mai, lan saya ngetataké pangawasan ing griya sakit swasta lan negri. Dhinas Kaséhatan Tanah Thai jupuk sawenèh langkah:

  • Wolung wisatawan kang ngrasakaké mriyang dipriksa nganggo thermo-scan ing papan anggegana Suvarnabumi. Wisatawan mau diisolasi lan dipriksa, kang pungkasané ora nandang COVID-19.
  • Cacah 182 wong kang ketemu karo wong kang nandang mau ditlusur lan diawasi. Wong-wong mau ya iku kang dadi anggota klompok wisata kang padha. Namung sakwong kang nandang lara napas.
  • Pandom kamunikasi résiko didum ing masarakat lan narahubung digawé déning Badan Tanggulangi Lelara kanggo wong-wong kang bali saka laladan kang nandang lelara ing Cina.

Kamentrian Kaséhatan Masarakat Tanah Thai duwéni papan priksa lan prawatan mèdhis kang tatarané internasional, lan sesambungan marang WHO lan dhinas-dhinas liyané kanggo ngwangsuli kadadéan.[8]


Sapérang Lockdown ing kutha Bangkok[besut | besut sumber]

Pamarétah mrintahké punjering papan blanja (mall) ing Bangkok kanggo nutup anggoné kagiyatan ing surya 22 Maret 2020 - 12 April 2020 kanggo ngurangi panyebaran virus korona. Gubernur Aswin Kwanmuang medharaké sakakèh-akèhé toko ing mall mau tutup kajaba apothèk, supermarket, njupuk-kirim panganan, lan toko wigati liyané. Sakliyané iku, uga ditutup pasar ing pungkasan minggu, papan lelipur, lan papan kridha uga ditutup utawa tutup dhisikan. Sapa waé kang nglanggar printah tutupé papan panggonan bisa kena ukuman pakunjara bisa nganti setaun lan dhendha nganti 100.000 baht. Pratélan papan kang ditutup kaya ta:[9]

  • rèstoran (kajaba ladinan jupuk-kirim lan rèstoran kang ngladi kanggo tamu hotèl)
  • mall (kajaba supermarket , apothèk, toko panganan, lan toko ngedol barang wigati liyané)
  • pasar lan pasar ing pungkasan minggu (kajaba ngedol panganan kang seger lan garing lan panganan bungkus, pakan kèwan, apothèk, lan barang wigati liyané)
  • salon lan toko tatto
  • papan sluncuran lan sepatu roda
  • taman panglipuran, papan bowling, papan dolanan, lan warung internèt
  • papan golf
  • kolam nglangi lan sapadhané
  • papan kridha tandhing
  • toko kang adol jimat Buddha
  • papan pagelaran lan pasamuwan
  • papan sinau ing kabèh tataran
  • klinik rawat awak lan rai
  • papan spa, pijet, rawat hèrbal, lan bioskop
  • papan panglipuran, stadhion lan sekolah, stadhion kridha lan papan balap jaran.

Prakiraan panyebaran ing jaban rangkah[besut | besut sumber]

 Koréa Kidul – Ing surya 4 Fèbruari 2020, wong wadon Koréa Kidul, kang lagi waé plesir ing Bangkok, sakwisé dipriksa positif lan kacathet kang nandang lara ka-16 COVID-19[10]

 Jerman – Ing surya 4 Maret 2020, pamaréntah kutha Cologne mbiyawarakaké ana 5 kasus kang kacathet, kang salah sijiné saka wong wadon kang sakwisé plesir ing Tanah Thai lan dhèwèké pitaya menawa kainfèksi lara iku ing kana.[11]

 Ostrali – Ing surya 5 Maret 2020, pamaréntah Queensland mbiyawarakaké wong kang umuré 81 taun kena COVID-19 sakwisé bali saka Tanah Thai lan asilé positif lan dirawat ing Griya Sakit Sunshine Coast University.[12]

 India – Ing surya 6 Maret 2020, India nglapuraké kadadéan ka-31 kang kacathet COVID-19. Pasièn iku wong India kang duwéni sujarah dolan saka Tanah Thai lan Malaysia.[13]

Rujukan[besut | besut sumber]

  1. a b c COVID-19 Dashboard
  2. "Thailand confirms first case of Wuhan virus outside China". South China Morning Post. 2020-01-13. Dijupuk 2020-04-02. 
  3. Jan 14, Lisa Schnirring News Editor CIDRAP News; 2020. "Report: Thailand's coronavirus patient didn't visit outbreak market". CIDRAP. Dijupuk 2020-04-02. 
  4. "New coronavirus infection in Thailand takes tally to 42". Reuters. 2020-02-29. Dijupuk 2020-04-02. 
  5. "Thailand announces 89 new coronavirus cases; malls ordered closed until April 12 » Thai Enquirer". Thai Enquirer. 2020-03-21. Dijupuk 2020-04-02. 
  6. "สถานการณ์ในประเทศไทย โรคติดเชื้อไวรัสโคโรนา 2019 (COVID-19)". Dijupuk 2020-03-29 – lumantar Ministry of Public Health, Thailand. 
  7. Limited, Bangkok Post Public Company. "Bangkok Airways cuts back as virus bites". Dijupuk 2020-04-02. 
  8. "WHO Novel Coronavirus – Thailand (ex-China)". WHO. Dijupuk 2020-04-02. 
  9. Limited, Bangkok Post Public Company. "Bangkok malls to close from Sunday". Dijupuk 2020-04-02. 
  10. "Coronavirus: South Korean woman travelling home from Thailand tests positive for virus, East Asia News & Top Stories - The Straits Times". web.archive.org. 2020-02-04. Dijupuk 2020-04-19. 
  11. "Coronavirus Mitglied des WDR-Rundfunkrats positiv getestet – 29 Fälle in Köln". Kölner Stadt-Anzeiger. 4 Maret 2020. 
  12. "Novel Coronavirus alert". Queensland Government. 5 Maret 2020. 
  13. "Coronavirus: Delhi resident tests positive for coronavirus, total 31 people infected in India". Hindustan Times. Dijupuk 2020-03-06.