Night Train to Lisbon

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Night Train to Lisbon iku sawijining film sing dirilis ing taun 2013. Film iki disutradarani déning Bille August lan adhedhasar buku roman karangané Pascal Mercier. Filmé antarané dibintangi déning aktor kondang Inggris Jeremy Irons.

Sinopsis cekak[sunting | sunting sumber]

Sawijining dina, guru basa klasik, Raimund Gregorius mangkat saka omahé menyang sekolahé ing Bern, Swiss. Ujug-ujug nalika ngliwati kreteg weruh ana wong wadon sing arep mencolot lan nglalu. Wong wadon iku banjur dicekel lan digèrèt medhun nganti ora sida nglalu. Banjur wong wadon iku takon marang Raimund apa olèh mèlu mlaku. Banjur dhèwèké mèlu mlaku menyang kelasé. Raimund banjur wiwit ngajar lan wong wadon iku lungguh mèlu ngrungokaké. Jakèté digantung. Banjur ujug-ujug wong wadoné metu lan mlayu. Dhèwèké dioyak Raimund amerga jakèté ketinggalan lan Raimund samar. Nanging wongé wis ngilang. Ing kanthongé jakèté, Raimund nemu sawijining buku roman abasa Portugis sing ditulis déning Amadeu do Prado. Buku iku perkara rezim diktatorial Salazar lan para pambrontak sing mbaléla nglawan Salazar. Salazar iku diktator fasis Portugal. Sajroning buku iku ana capé toko buku. Banjur toko buku iku ditekani lan dhèwèké takon sing adol apa kèlingan sapa sing tuku. Tibaké buku iku lagi waé dituku sadina sadurungé. Nalika ndeleng buku iku, ana tikèt sepur tiba. Tikèt iku saka Bern menyang Lisboa, Portugal. Banjur Raimund menyang stasiun, sapa ngerti wong wadon iku ana ing kono. Nanging wong iku ora ketemu banjur Raimund mlebu sepur. Ing Portugal dhèwèké nyoba nggolèki Amadeu do Prado.

Pratélan para paraga[sunting | sunting sumber]

Kritik lan panampa publik[sunting | sunting sumber]

Film iki olèh réaksi sing manéka werna.

David Rooney saka The Hollywood Reporter nulis menawa Billie August olèhé nyutradarani film iki "panrapané katinggalan jaman ing endi prastawa wigati mèmper kaca buku banget,[1] kamangka Boyd van Hoeij saka kalawarti Variety ngarani film iki sawijining "relik", dialogé bisik-bisikan lan ora akèh omongané. Saliyané iku film iki ora tegang babar belas[2]

Cathetan suku[sunting | sunting sumber]