Musiyum Géologi Bandung
Musiyum Géologi Bandung ya iku musiyum kang ngadeg tanggal 16 Mèi 1928.[1][2] Musiyum iki didandani nganggo dana saka JICA (Japan International Cooperation Agency).[1] Musiyum Géologi ana ing Jalan Diponegoro, ora adoh saka Gedung Sate.[1] Ing kéné bisa olèh akèh informasi kang gegayutan karo masalah kagéologian.[1] Musiyum iki biyèné wujud sawijining laboratorium.[2] Barang-barang kang dadi kolèksiné ya iku fosil cumplung manungsa wiwitan ing donya, fosil-fosil rangka kéwan pra-sajarah, watu lintang kang abote 156 kg kang tiba tanggal 30 Maret 1884 ing Jatipelangon, Madiun.[1] Koleksi unggulan kang kondhang ya iku fosil manungsa purba Homo Erectus, fosil gajah purba Stegodon trigonocephalus, lan replika fosil dinosaurus kang gedhé dhéwé lan paling ganas Tyrannosaurus Rex.[2] Saliyané iku, ing kéné uga ana penyuluhan, pameran lan kegiyatan riset utawa panaliten.[2] Kagiyatan panaliten mau ngambah sumber daya lenga lan gas bumi, mineral, batubara, gambut, bitumen padat, lan panas bumi.[3]
Cathetan suku
[besut | besut sumber]- ↑ a b c d e bandungtourism.com Archived 2011-10-26 at the Wayback Machine. Diundhuh tanggal 4 Agustus 2011
- ↑ a b c d indotravelers.com[pranala mati permanèn] Diundhuh tanggal 9 Agustus 2011
- ↑ esdm.go.id Archived 2012-01-18 at the Wayback Machine. Diundhuh tanggal 9 Agustus 2011