Musiyum Géologi Bandung

Saka Wikipédia Jawa, bauwarna mardika basa Jawa
Jump to navigation Jump to search
Gambar:Museum Géologi.JPG
Museum Géologi Bandung.

Musiyum Géologi Bandung ya iku musiyum kang ngadeg tanggal 16 Mèi 1928.[1][2] Musiyum iki didandani nganggo dana saka JICA (Japan International Cooperation Agency).[1] Musiyum Géologi ana ing Jalan Diponegoro, ora adoh saka Gedung Sate.[1] Ing kéné bisa olèh akèh informasi kang gegayutan karo masalah kagéologian.[1] Musiyum iki biyèné wujud sawijining laboratorium.[2] Barang-barang kang dadi kolèksiné ya iku fosil cumplung manungsa wiwitan ing donya, fosil-fosil rangka kéwan pra-sajarah, watu lintang kang abote 156 kg kang tiba tanggal 30 Maret 1884 ing Jatipelangon, Madiun.[1] Koleksi unggulan kang kondhang ya iku fosil manungsa purba Homo Erectus, fosil gajah purba Stegodon trigonocephalus, lan replika fosil dinosaurus kang gedhé dhéwé lan paling ganas Tyrannosaurus Rex.[2] Saliyané iku, ing kéné uga ana penyuluhan, pameran lan kegiyatan riset utawa panaliten.[2] Kagiyatan panaliten mau ngambah sumber daya lenga lan gas bumi, mineral, batubara, gambut, bitumen padat, lan panas bumi.[3]

Cathetan suku[besut | besut sumber]

  1. a b c d e bandungtourism.com Diundhuh tanggal 4 Agustus 2011
  2. a b c d indotravelers.com Diundhuh tanggal 9 Agustus 2011
  3. esdm.go.id Diundhuh tanggal 9 Agustus 2011