Mrutu

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Mrutu

Mrutu utawa Agas kalebu Famili Ceratopogonidae, kanti 4 génus ing antarané nyerang kéwan kang duwé getih panas liyané kalebu manungsa. Patang génus mau ya iku Culicoides, Forcipomyia (subgenus Lasiohelea), Austroconops lan Leptoconops.[1] Ing indonesia kacatet 100 spésies Culicoides kasebar ing 19 laladan provinsi ing Indonésia.[1] Spesies kang lumrahé dingerteni kaya ta Culicoides fulvus, C. peregrinus, C. orientalis, C. oxystoma, C. sumatrae, C. guttifer, C. huffi, C. palpifer, lan C. parahumeralis.[1] Mrutu wujute kaya laler buah sak génus diptera.[2]

Klasifisikasi[besut | besut sumber]

Culicoides kang diwasa ukurané cilik banget (1.5-5.0 mm), toraks rodok bungkok lan nonjol munggah.[1] Swiwine ciut kanti venasi tanpa sisik swiwi.[1] Bening lan rambute alus.[1] Pas istirahat swiwi dilempit ing sakduwuré abdomen.[1] Antènané dawa kasusun kanti 14 segmen wondéné palpi kasusun kanti 5 segmen.[1]

Manfaat lan Kandungan[besut | besut sumber]

Mrutu racaké dimanfaataké minangka pakan manuk walet amarga kandhutan gisi kang ana mrutu luwih apik ketimbang kroto.[3] Wondéné miturut panalitèn sajeroning 100 g mrutu ngandut 10% banyu, 65,67% protéin, 9,08% serat, 17,35% lemak, lan 0,14% mineral.[3] Ènergi kang dikaselaké nyandak nganti 4.188 kalori.[3] Jumlah ènergi iku cukup kanggo gawé walét tambah gedé, ngendog, lan nggawé susuh amarga Collocalia fuciphaga butuh pakan kanti kandhutan: 55-60% protéin, 14-17% lemak, 0,15-0,25% kalsium, 0,4-0,6% fosfor, lan 6-9% serat kasar.[3] Yèn bisa dicukupi mangka susuh kang dikaselaké bakalan apik.[3]

Cathetan sikil[besut | besut sumber]

  1. a b c d e f g h [1].
  2. [2] Kaunduh 9/10/12.
  3. a b c d e [3], Kaunduh 10/10/12.