Monumèn Renaisans Afrika
Monumèn Renaisans Afrika (Basa Prancis Monument de la Renaissance africaine; Inggris Monument to the African Renaissance) iku monumèn ing Ouakam, Dakar, Senegal. Monumèn sing digawé saka kuningan iki, dhuwuré 50 mèter lan monumèn iki reca sing dhuwur dhéwé sa-Afrika. Monumèn iki wujud patung wong telu sing metu saka sawijining gunung geni. Wong iki ya iku wong lanang siji sing nyekel bojoné lan anaké.
Monumèn iki diresmèkaké ing tanggal 4 April 2010. Pamrakarsa monumèn iki ya iku Présidèn Senegal Abdoulaye Wade. Sing yasa monumèn iki ya iku Koréa Lor.