Monster Pope Lick

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Trestel Pope Lick, papan sing dianggep didunungi Monster Pope Lick

Monster Pope Lick iku sawijining makluk légéndharis awujud separo wong separo wedhus[1] and part-sheep[2] sing dilapuraké dedunung ana ing kreteg trestel ril sepur sing ngliwati sandhuwuré Kali Pope Lick, ing pamukiman Fisherville, ing Louisville, Kentucky.[2][3]

Dhongèng urban[besut | besut sumber]

Ana sawenèh dongèng urban sing ngrembaka ngenani asalé makluk iki lan carané dhèwèké ngloropaké kurbané. Miturut sawenèh carita, makluk kuwi nganggo cara hipnosis[1] utawa nirokaké sawenèh swara saperlu ngloropake kurbané supaya mara menyang kreteg trestel lan nemahi patiné sadurungé ana sepur liwat .[4] Ing carita liya, dicritakaké yèn monster kuwi anjlog saka trestel ana sandhuwuré atep montor sing liwat ana ngisoré. Nanging uga ana carita sing mratèlaké yèn makluk kuwi nyerang kurbané nganggo kampak sing blundrah getih lan wujudé makluk kuwi banget ngegirisi saèngga sapa waé sing meruhi makluk kuwi mlaku ana ing trestel kuwi bakal bluncat mudhun.

Carita liyané pitaya yèn monster kuwi satemené hibrid manungsa-wedhus, lan dhèwèké minangka salah sawijining paraga ing circus freak sing nyangèni arep wewales sawisé diwikara. Ing sawijining carita, dipratèlaké yèn dhèwèké iku minggat sawisé sepuré metu saka ril ing trestel kuwi. Carita liyané sing lumrahé dicritakaké karo warga lokal wewengkon kana, mratèlaké yèn monster mau sawijining wujud jalmané sawijining wong tani sing amoral, amarga dhèwèké numbalaké sawenèh wedhus kanthi pangajab bisa duwé kasektèné sétan.[citation needed]

Anané legéndha kuwi ndadèkaké papan kana dadi papan kanggo wisata legéndha. Uwis ana sawenèh pati lan kacilakan ing papan kana awit papan kana diyasa, sanajan uwis ana pager sing dhuwure 2,4 mètèr kanggo nyegah supaya ora ana wong sing bisa ngambah.[2]

Ana konsèpsi salah sing umum dumadi ing antaraning pangusut prakara adikodrati amatir yèn trestelé iku uwis ditinggalaké lan ora dinggo manèh; kasunyatané, kreteg iku minangka dalan sing diliwati ril sepur utama tumuju Louisville. Sepur kanthi bergasi sing abot asring liwat ana sandhuwuré kreteg mau sawenèh wektu saben dinané, saéngga mbebayani amaraga wong-wong sing liwat ing kono bakal ora bisa ngalih nalika sepur-sepur kanthi bergasi abot kuwi liwat. Norfolk Southern Railway ngélikaké warga supaya ora mènèki trestel kuwi, yèn konangan bakal dibekuk.[5]

Médhia[besut | besut sumber]

Monster iki dadi subyèk sawijining filem taun 1988 déning juru filem Louisville, Ron Schildknecht asesirah The Legend of the Pope Lick Monster.[6] Filem kanthi dhurasi 16 menit lan rantaman $6.000 iki digebyakaké ing 29 Dhésèmber,1988 ing Uptown Theater. Filem iku akèh-akèhé difilemaké ana ing Pope Lick Trestel, nanging pérangan filem sing nuduhaké paragané mlaku ana sandhuwuré trestel difilemaké ana papan sing luwih aman.

Panggedhéné Norfolk Southern Railway kuciwa banget karo filem mau, amarga dhèwèké nganggep yèn filem iku bakal ngunggung bocah enom kanggo marani trestel kuwi.[citation needed]

Amarga panggedhené kumpeni ril sepur kuwi kuwatir yèn filem kuwi bakal nambahi cacah wong sing nemahi pati ana trestel kuwi, Norfolk Southern maca sawijining tètèlan,ana ing gebyakané filem kuwi, sing ngelikaké para mudha ngenani bebayané trestel kuwi, lan ngelikaké uga yèn sapa baé sing konangan mara menyang trestel kuwi bakal dituntut amarga mbibrik.[6]

Masiya wis diélikaké, ing 23 April 2016, sawijining turis umur 26 taun saka Ohio nemahi pati sawisé ketubruk sepur sing liwat nalika lagi nggolèki monster iku. Pacaré slamet sawisé gandhulan ana ing sapinggiré trestel kuwi.[7]

Carita ngenani mosnter iki uga ana ing sawijining épisodhé Destination America's Monsters and Mysteries in America asesirah "Ozarks".

Uga delengen[besut | besut sumber]

  • History of Louisville, Kentucky
  • Goatman (Maryland)
  • Azazel
  • Baphomet
  • Satyr/Faun

Rujukan[besut | besut sumber]

  1. a b Kleber, John E (2000). "Pope Lick Monster". The Encyclopedia of Louisville (ed. 1). University Press of Kentucky. 
  2. a b c Tangonan, Shannon (November 7, 2000). "Man, 19, dies after falling from trestle". The Courier-Journal. Diarsip saka sing asli ing 7 November 2000. Dijupuk January 20, 2007. (kudu langganan (help)). 
  3. "MONSTRO BIZARRO: MONSTERS & MYSTERIES IN AMERICA".
  4. "Three Louisville-area monster legends for Halloween".
  5. "Legend of the Pope Lick Monster". wdrb.com.
  6. a b Burkart, Gregory. "The Bizarre Legend of Louisville KY's 'Pope Lick Monster'". Fearnet. Dijupuk February 23, 2014. 
  7. Warren, Beth (April 24, 2016). "Tourist dies on search for Pope Lick monster". The Courier-Journal. Dijupuk April 26, 2016.