Antaséna

Antasena utawa uga sinebut Anantasena.

Antasena

Ananta : tanpa wates Sena : njaga, nguasani, kang mimpin

Ing pedhalangan gagrag Jogjakarta, Antasena iku anak ragil Bima/Werkodara. Ibune Dewi Urangayu, putrine Hyang Mintuna (dewaning iwak ing banyu tawa) ing Kisiknarmada (muarane Gangga karo Serayu). Wiwit lahir urip bareng karo ibu lan simbahe. Ing gagrag Surakarta, Antasena kuwi asma liyane Antareja (anak pembarepe Werkudara).

Ing wayang, Antasena nyandhing Dewi Jenakawati, putrine Janaka/Arjuna. Satriya iki uga raket karo wuragile Arjuna, Wisanggeni.

Antasena ora nate gelem nganggo basa krama, jujur, prasaja, lan kendel. Gandheng ibune urang, awake kebak sisik kang ora mempan dening gaman. Kadigdayane ana ing sungut lan nduwe aji-aji Cupu Madusena sing bisa nguripke wong kang mati ing njaba takdire.

Nalika Perang Baratayudha arep diwiwiti, Antasena ngadhep Sanghyang Wenang. Sanghyang Wenang sabda yen Antasena kepengin Pandawa menang, satriya iki kudu ora melu perang. Antasena nyanggupi nurut kekarepane dewa. Sanghyang Wenang njaluk supaya Antasena ndeleng netrane. Suwe-suwe awake Antasena dadi cilik lan banjur muksa.

Uga Delengen

• Daftar Tokoh Wayang
• Wayang