Melani Budianta

Melani Budianta inggih punika akademikus ingkang lair ing Malang, Jawa Wètan, 16 Mèi 1954. Sasampunipun ngrampungaken pasinaon SMA ing Bandung, piyambakipun ngalajengaken studi ing Fakultas Sastra Universitas Indonesia lan lulus taun 1979. Wonten ing taun 1981, piyambakipun nyandhang gelar MA ing bidang kajian Amerika saking University of Southtern California lan gelar Ph.D. Saking Universitas Cornel ing babagan kasusastran ing taun 1992. Ing umur 12 taun, Melani Budianta naté mimpang sayembara nulis criyos larè ingkang dipunwontenaken ariwarti Si Kuncung. Karyanipun sumebar wonten ing kalawarti lan ariwarti Indonésia. Sasanésipun punika, piyambakipun uga aktif minangka pemakalah sajroning adicara sastra. Ngantos sapunika, piyambakipun dados dwija ing Fakultas Sastra, Universitas Indonesia, Depok. Karyanipun ingkang kondhang antawisipun Syahrir and the Children of Bandaneira, A Hurried of a Journalist, Teori Kesusastraan (petalan karya Rene Wellek), lan Kado Istimewa ing taun 1992. Piyambakipun ugi nyerat pengantar kanggè mapinten buku sastra ingkang babar pungkasan wekdal punika.

Pendhidhikan

Urutan pendhidhikan:

• Fakultas Sastra Universitas Indonesia lulus taun 1979
• University of Southtern California lulus taun 1981
• Universitas Cornel lulus taun 1992

Karya

Seratan ingkang sampun wiyar inggih punika:

• Syahrir and the Children of Bandaneira, A Hurried of a Journalist
• Teori Kesusastraan (petalan karya Rene Wellek)
• Kado Istimewa