Masjid Giriganda

Saka Wikipédia Jawa, bauwarna mardika basa Jawa

Mesjid Giriganda ya iku mesjid yasan dalem Pura Pakualaman kang dununge ana ing dhusun Giriganda, Kaligintung, Temon, Kulon Praga. Anane mesjid iki ora kena dipisahake saka Astana Giriganda kang wis ana sadurungé. Bangunan mesjid iki wiwitane kanggo pesanggrahan para sentana kang rawuh saka negara, nganggo sepur utawa nitih kapal. Joglo kang kanggo pesanggarahan iki dijupuk saka Hargamulya. Taun 1930an uga ditambah serambi. Para sentana kang arep ngibadah shalat nunut ing daleme Kyai Akhmad Sajadi, sacedake kono.[1]

Amarga anane sarana lelungan kang luwih mayar, anane pesanggrahan kanggo ngaso ora diperlokake maneh, mula taun 1934 pesanggarahan iki banjur malih dadi mesjid. Saliyane dadi mesjid, uga tau kanggo KUA.[1]

Rujukan[besut | besut sumber]

  1. a b Wahyu Indro S, dkk (2015). Masjid Kagungan Dalem & Masjid Cagar Budaya Daerah Istimewa Yogyakarta. Yogyakarta: Dinas Kebudayaan Daerah Istimewa Yogyakarta. ISBN 9786022670766.