Marchingband

Saka Wikipédia Jawa, bauwarna mardika basa Jawa
paraga pamentasan marchingband

Marchingband ya iku sakelompok wong kang mentasake pagelaran musik saha jogèd kanthi lumaku ing barisan. Pamentasan marchingband iku kolaborasi saka musik lan jogèd. Wiwitane, marchingband iku asring karan drumband. Pamentasan marchingband racaké kanggo ngiringi parade utawa festival kanthi lumaku bareng ing barisan. Ana pamimpin kang mimpin marchingband ya iku mayoret utawa field commander. Anggota marchingband duwé seragam dhéwé-dhéwé miturut kelompok.

Marchingband kapérang dadi telung divisi ya iku brass, percussion, lan color guard. Brass kalebu ing piranti musik kang disebul kaya suling ing Jawa. Brass isih kapérang dadi kelompok-kelompok cilik manèh. Brass: trumpet, mellophone, baritone, tuba, french horn. Déné percussion iku dibagi dadi loro ya iku battery lan pit.