Maca

Saka Wikipédia Jawa, bauwarna bébas abasa Jawa
maca

Maca ya iku proses pikiran, nganggo kekuwatan dhéwé, ningkatake dhiri kanthi nggarap buku.[1] Tanpa pitulungan éksternal apa wae kajaba simbol-simbol kang kacéthak, pikiran ningkatake dhiri saka “kurang mahami” dadi “luwih mahami”[1]. Tujuwan maca ya iku supaya éntuk informasi lan supaya luwih paham.[1] Tegesé tembung kaping pisan digunakake kayata nalika maca koran, majalah, utawa matéri liyané.[1] Kegiyatan kaya ngono iku bisa nambahi informasi ananging durung mesthi ningkataké pemahaman.[1] Tegese tembung kaping pindho digunakake nalika maca samubarang bab kang sadurungé durung patiya dimangerténi.[1] Saliyane iku, maca uga kanggo hiburan.[1]

Lével maca[besut | besut sumber]

Lével maca ana papat ya iku :[2][3]

  1. Maca dasar, ya iku wiwitané wong ajaran dasar-dasar maca, éntuk pelatihan maca dasar, lan éntuk manéka warna ketrampilan maca.
  2. Maca inspeksional, ya iku lével kang duwé syarat khusus ya iku ing bab wektu.
  3. Maca analitis, ya iku maca sakabehané, maca lengkap lan maca kanthi apik.
  4. Maca sintopikal, ya iku maca luwih saka sa-buku kanggo sa-topik. Teori sing ditemokake ing buku-buku iku disandingake lan dijupuk analisis topik iku mau.

Masalah-masalah maca[besut | besut sumber]

Masalah-masalah kang ditemokaké nalika maca ing antarané[2]:

  • Korespondensi : salah sijiné masalah ing bab iki yaku ukara-ukara kang wis ketinggalan zaman isih dienggo.
  • Jurnal lan majalah : kandel lan frekuensi metune.
  • Perundang-undangan : basa kang digunakake ruwet lan angél dipahami.

Masalah liya kang ditemokake ya iku,[2]

Kaprigelan Dhasar Maca[besut | besut sumber]

kemampuan dasar sing perlu dikuasai supaya bisa ngembangake keterampilan maca ya iku:[4]

  • Konsentrasi
  • Gawé Peta PIkiran
  • Rélaksasi

Nggawé Perpustakaan Dhewe[besut | besut sumber]

Kanggo wong sing seneng maca, mesthi buku sing diduwéni akèh banget.[5] Kanggo njaga supaya buku tetep awet ana panyaruwe sing patut digatekake.[5]

  1. Buku aja nganti kena sorot srengéngé langsung. dokok ning lemari utawa rak sing cedhak karo jendela.
  2. Jaga suhu ruangan kira-kira 16°-21 °C supaya ora jamuren.
  3. Kerep ngresiki buku saka lebu.

Kanggo gawé perpustakaan, gunakake rak sing built-in supaya katon luwih rapi.[5] Yen perlu sediakake meja lan kursi kanggo maca.[5] Pesthekake panggone kepenak lan pencahayaan ruang cukup.[5]

Prelu dimangerteni yèn lemari ora pas, buku bisa cepat rusak lan yèn posisi maca ora kepenak, bisa ngganggu keséhatan.[5]

Cathetan suku[besut | besut sumber]

  1. ^ a b c d e f g Mortimer J Adler&charles van doren.2007. How to Read a Book Cara Jitu Mencapai Puncak Tujuan Membaca. PT indonesia Publishing.
  2. ^ a b c Gordon Wainwright.2006. Speed Reading Better Recalling. Jakarta: PT Gramedia Pustaka Utama
  3. ^ Coretanologis: Sudah Sampai Manakah Level Membaca Kamu?(diakses 29 Maret 2011)
  4. ^ (id)Semuabisnis(diakses 4 April 2011)
  5. ^ a b c d e f (id)ideaonline(diakses 12 April 2011)
Sumber artikel punika saking kaca situs web: "https://jv.wikipedia.org/w/index.php?title=Maca&oldid=1097700"