Lurik

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
tuladha kain lurik
tuladha kain lurik

Lurik ya iku kain kang digawé saka prosès tenun benang lawe. Motif kain lurik iku lumrahé coraké garis-garis [1]. Nanging ing jaman saiki, ana motif lurik kothak-kothak ya iku gabungan antarané lurik horisontal lan lurik vertikal. Ana uga kang diarani lurik polosan, ya iku lurik kang ora ana coraké Lurik inggih punika ageman tradhisional warisan leluhur saking jaman kina lan taksih lestari dumugi sapunika

Motif Lurik[besut | besut sumber]

Motif-motif dhasar lurik ya iku:

  1. Motif lajuran kanthi corak garis-garis dawa searah kain.
  2. Motif pakan malang kang duwé garis-garis kang searah ambané kain.
  3. Motif cacahan ya iku motif kang awujud corak cilik-cilik.

Tuladhané motif-motif kain lurik tradhisional miturut Nian S. Djoemena (2000) ya iku:

  1. Klenthing kuning
  2. Sodo sakler
  3. Lasem
  4. Tuluh watu
  5. Lompong kèli
  6. Kinanti
  7. Kembang telo
  8. Kembang mindi
  9. Melati secontong
  10. Ketan ireng
  11. Ketan salak
  12. Dom ndlesep
  13. Lara-pati
  14. Kembang bayem
  15. Jaran dawuk
  16. Kijing miring
  17. Kunang sekebon, lan sapanunggalané.

Motif kain lurik kang kagolong motif anyar ya iku:

  1. Yuyu sekandhang
  2. Sulur ringin
  3. Lintang kumelap
  4. Polos abang
  5. Polos putih

Motif kain batik kang kagolong motif mutakhir ya iku:

  1. Udan gerimis
  2. Tenun iket
  3. Mimi lan galer

Saiki lurik uga duwé motif-motif liyané kang luwih modern [1].

Sajarah lurik[besut | besut sumber]

Bukti-bukti kang mratelakaké yèn kain lurik iku wis ana awit jaman biyèn ya iku:

  1. Miturut prasasti saka Karajan Mataram (851-882 M) mratélakaké kain lurik pakan malang.
  2. Prasasti Raja Erlangga ing Jawa Timur taun 1033, mratelakaké babagan kain tuluh watu, ya iku salah sawijiné jinis kain lurik
  3. Sléndhang ing arca terracotta (15 M) ing Trowulan, Jawa Timur.

Ngrembakané kain lurik saliyané dadi bahan klambi uga dadi bahan tas, dompèt, map, taplak, lèmèk piring, iket, rerenggan, gaun panjang lan sapanunggalané. Kartiwa, Suwati. 1983. TenunIkatIndonesiaIkats. Jakarta:Ikrar Mandiriabadi.

Cathetan suku[besut | besut sumber]

  1. a b Makna Kain Lurik(dipunundhuh tanggal 9 Juli 2012) Masalah sitiran: Tenger <ref> ora trep; jeneng "internet1" diwedharaké ping bola-bali déné isiné béda