Beksan Kecak

Saka Wikipédia Jawa, bauwarna mardika basa Jawa
(Kaelih saka Kecak)
Jogèd kecak

Beksan Kecak (lafal: /'ke.tʃak/, utawa "KEH-chahk", diejah: Ketjak, Ketjack, lan Ketiak), ya iku pagelaran seni khas Bali kang digawé ing taun 1930-an lan dimainake paling mligi utawa lumrahé dimainake déning wong lanang-lanang.[1] Jogèd kecak iki dilakokake déning wong akèh (puluhan utawa luwih) penari lanang kang lungguh baris kanthi mubeng lan diiringi irama kang padha ngomong "cak" lan tangan loro karone diangkat mendhuwur, nggambaraké carita Ramayana pas baris kethèk ngrewangi Rama nglawan Rahwana.[1] Nanging, Kecak iku asalé saka ritual sanghyang, ya iku tradisi jogèd kang penarine digawé ora sadar kanggo komunikasi karo Tuhan utawa roh para leluhur lan nyampekake apa kang dadi kekarepane déning masarakat.[1] Para penari kang lungguh mubeng iku nganggo kain kain kotak-kotak kaya papan catur.[2] Saliyané iku para penari uga ana kang nganggo kain kang meranake tokoh-tokoh Ramayana kaya ta Rama, Shinta, Rahwana, Hanoman, lan Sugriwa.[2]

Tembang jogèd Kecak dijupuk saka ritual jogèd sanghyang.[2] Saliyané iku ora nganggo piranti musik.[2] Nanging namung nganggo kincringan kang dinggo ing sikile para penari kang meragakake tokoh-tokoh Ramayana.[2]

Cathetan suku[besut | besut sumber]

  1. a b c Tari Kecak - Tari Bali Archived 2011-07-05 at the Wayback Machine. (Dipuntingali tanggal 20 Juli 2011)
  2. a b c d e Tari Kecak Uluwatu (Dipuntingali tanggal 20 Juli 2011)