Kali Mas

Kagiatan ing Kali Mas pungkasan abad angka 19. Foto koleksi KITLV.

Sesawangan pinggir Kali Mas ing Surabaya taun 1900-1940

Kali Mas iku pecahan kali Brantas sing huluné ing Kutha Mojokerto, mili ngétan-lor lan mungkasi ing Surabaya, tumuju Selat Madura). Ing sawatara panggonan Kali Mas dadi wates alam Kabupatèn Sidoarjo karo Kabupatèn Gresik.

Muara Kali Mas minangka pelabuhan tradhisional Surabaya, sing wis dipigunakaké wiwit maabad-abad kapungkur. Ing jaman biyèn kali iki dadi gerbang tumuju Ibukutha Karajan Majapait (ing Trowulan), lan ing saubengé kali iki naté kadadéan paprangan antarané Raden Wijaya (pangadeg Majapait) karo wadyabala Tartar (saka dinasti Mongol) ing abad angka 13.