Kali Cheonggye

Saka Wikipédia Jawa, bauwarna bébas abasa Jawa
Jump to navigation Jump to search
Cheonggyecheon dongmyo.jpg

Kali Cheonggye utawi Cheonggyecheon (청계천) inggih punika salah satunggaling aliran kali ingkang mapan wonten ing pusat kutha Seoul, Korea Kidul.[1] Kali Cheonggye punika kali damelan. Kali punika kalebet pérangan ingkang wigati saking sejarah kutha Seoul. Ing taun 1950-an, kali punika dados pralambang kasusahan ingkang nembé dipunlampahi déning masarakat Seoul lan wonten ing dekadhé salajengipun (1960-an-1970-an) saged dados saksi suksèsipun industrialisasi lan modhèrnisasi Koréa Kidul.[1] Proyek kangga nglampahi rehabilitasi malih Kali Cheonggye dipunwiwiti saking taun 2003 dumugi taun 2005 déning mantan wali kota ingkang samenika presiden Korea Kidul, Lee Myung-bak. Saderengipun, kali punika dipuntutupi déning dalan tol, nanging kanthi proyèk kasebat, aliran toyanipun dipunwangsulaken kados aslinipun. Samenika Kali Cheonggye kalebet salah satunggaling papan wisata ingkang kondhang wonten ing Seoul, kanti 22 kreteg ingkang wonten.[1]

Ingkang dados daya tarik Cheonggyecheon[besut | besut sumber]

Papan punika dados pusat raménipun wonten ing wulan Oktober. Puncak raménipun papan punika nalika wanci soré dumugi dalu ing sedawanipun 5,84 km. Cheonggyecheon punika semarak kanthi wontenipun Cheonggyecheon Upcyle Festival Ryu ingkang dipunwontenaken amargi adicara péngétan 10 tahun rèstorasi kali lan dipunkelola déning pamarentah kutha Seoul lan Weenu. Langkung saking 100 karya kulinèr dipunpamèraken ing sedawanipun 1 km kali punika. Titik wiwitan punika saking Plaza Cheonggyecheon ingkang kondhang awit grojogan (air terjun) mini. Karya seni ingkang dipunpilih punika magnet Cheonggyecheon sansaya kiyat. Aréa paméran boten namung ing kawasan kanggé tindakan nanging ugi wonten ing satengahipun kali papan toyanipun mili, ing sangandhaping kreteg, témbok dumugi suket-suket lan watu-watu ing sakiwa tengenipun.[1].

Rujukan[besut | besut sumber]

  1. ^ a b c d Passport to Korean Culture. Korean Culture and Information Service - Ministry of Culture, Sports and Tourism , Seoul, Republic of Korea. 2010. kk. 91–92. ISBN 978-89-7375-153-2 03910.  line feed character ing |publisher= ing posisi 81 (pitulung)


Cithakan:Korea-stub