Kaisar Xuande

Saka Wikipédia Jawa, bauwarna bébas abasa Jawa
Kaisar Xuande
Ming Dynasty Xuande Archaic Porcelain Vase and Six -Character Mark

Kaisar Xuande (Hanzi: 宣德, 1398-1435) ya iku kaisar ka-5 Dinasti Ming.[1] Dheweke ya iku anak pertama saka Kaisar Hongxi, dheweke lair kanthi jeneng Zhu Zhanji (朱瞻基).[1] Pamaréntahane ya iku nalika taun 1425 nganti tekan taun 1435 kang dingerteni dadi abad emas Dinasti Ming merga ana ing jaman iki nagara stabil, aman lan makmur, bebarengan karo mangsa pamaréntahane wong tuwane kang sedela iki sering dijenengi “zaman Ren-Xuan” padha karo jeneng kuile, Renzong lan Xuanzong.[1] Zhu Zhanji ya iku wong kang seneng marang puisi lan literatur.[1] Dheweke oleh gelar putra mahkotanya nalika bapake munggah ana ing tahta.[1] Nalika ana ing Nanjing kanggo nangani bencana lindhu, ana laporan darurat teka saka Beijing kang menehi kabar bapake mati lan mrentahake dheweke supaya cepet bali menyang kutha krajan.[1] Ana ing perjalanane bali tumuju Beijing, ana kabar yen pamane, Zhu Gaoxu duwé rencana kanggo njebak dheweke ana ing dalan, nanging dheweke tetep nerusake bali menyang lor tanpa rasa wedi.[1] Kasunyatane kabar kang sumebar mau ora kadaden.[1] Satekane ana ing istana, dheweke banjur nguwasani tahta lan njenengi rezime Xuande ana ing taun sabanjure. [1]

Pamaréntahan[besut | besut sumber]

Sawise munggah tahta, saperangan pejabat kang ana nalika bapake isih nguwasani tetep kon makrya lan hubungane dheweke uaga apik banget lan kompak.[2] Dheweke bisa njaga jarak karo pejabat-pejabat kang korup lan menehi kapercayan marang pejabat kang kompeten.[2] Kuang Zhong, gubernur Suzhou, sawijining pejabat kang misuwur merga kejujurane lan katerusterangane dadi salah siji wong kang paling dipercaya dheweke.[2] Taun 1428, Liu Guan, juru sensor kang duwé reputasi elek banjur dipecat lan diukum kerja paksa, kedudukane digantikake déning Gu Zuo kang anti korupsi.[2] Gu mecat 43 anggota badan sensor ing Beijing lan Nanjing merga ora becus anggone kerja lan uga saperangan diudunake pangkate, dipenjara, lan diasingake, nanging ora ana kanag diukum mati.[2] Badan sensor nginsvestigasi kabeh adminstrasi Ming termasuk militer.[2] Nalika taun iku uga Xuande ngreformasi peraturan ngenani wajib militer.[2]

Cathetan Suku[besut | besut sumber]


Sumber artikel punika saking kaca situs web: "https://jv.wikipedia.org/w/index.php?title=Kaisar_Xuande&oldid=1058536"