Kaisar Hongwu

Saka Wikipédia Jawa, bauwarna bébas abasa Jawa
Kaisar Hongwu (Zhu Yuanzhang)

Kaisar Hongwu (Hanzi: 洪武, lair ing Fengyang, Propinsi Anhui, 21 Sèptèmber 1328 – pati 24 Juni 1398 ing yuswa 69 taun), kang jeneng asline ya iku Zhu Yuanzhang (朱元璋), ya iku wong kang ngedegake lan uga kaisar pisanan Dinasti Ming ana ing Tiongkok.[1] Dhèwèké dadi kaisar lan ngadegaké dinastiné sawisé bisa nggulingaké Dinasti Yuan (Mongol).[1] Ana ing sejarah Tiongkok, Zhu Yuanzhang iku saka kaisar kang asalé saka golongan rakyat jelata (kang liyane ya iku Liu Bang/ Kaisar Han Gaozu, kang ngedegake Dinasti Han).[2] Dhèwèké ya iku kaisar kang kontroversial, ana ing salah siji pihak dhèwèké banget ngopeni babagan kesejahteraan rakyate lan duwé usaha kanggo ningkatake taraf uripe rakyate, nanging dhèwèké uga dadi sawijining tiran kang ngebiri kebebasan lan seneng mateni wong-wong kang ngrewangi dhèwèké anggone munggah tahta merga dicurigai duwé potensi kanggo ngrebut tahtane.[1]

Biografi ringkes[besut | besut sumber]

Zhu lair ana ing Fengyang, Propinsi Anhui saka kulawarga petani mlarat kang jenenge Zhu Chongba (朱重八).[1] Nalika isih enom dhèwèké kerja dadi tukang angon sapi.[1][2] Merga konangan manggang lan mangan salah siji sapine dhèwèké banjur dipecat déning majikane.[1] Sawijining dina nalika ana wabah penyakit kang nyerang desane lan nyebabake akèh saka warga desa kang mati kalebu wong tuwane lan uga dulure.[1] Dhèwèké banjur dadi biksu ana ing Kuil Huangjue kanggo nyambung urip ana ing tengah-tengahé bencana kelaparan kang kadadéyan nalika jaman semana.[1] Ana ing biara iku dhèwèké banjur sinau kanggo maca lan nulis, nanging ora let suwe, biara iku ditutup merga kurang dana kang ndadekake dhèwèké kudu urip ora ngenah lan dadi tukang jaluk-jaluk.[1]

Cathetan Suku[besut | besut sumber]

  1. ^ a b c d e f g h i (id)Kaisar Hongwu
  2. ^ a b (id)erabaru.net
Sumber artikel punika saking kaca situs web: "https://jv.wikipedia.org/w/index.php?title=Kaisar_Hongwu&oldid=1079327"