Kacilakan Asiana Airlines 214

Kacilakan Asiana Airlines 214 ya iku kacilakan motor mabur Boeing 777 nalika motor mabur mudhun ing Papan Anggegana Internasional San Francisco. Kadadeyan kuwi nandang ing dina Setu, 6 Juli 2013. Motor mabur kuwi kacatet nggoné maskapai Asiana Airlines Korea kanthi nomor penerbangan 214 sing mabur saka Seoul.

Kacilakan kuwi nggawé 2 wong mati, 181 liyane tatu, lan 6 nandang kang parah saka kabehé penumpang kang ana 291 lan 16 kru. Korban mati ya iku warga negara China. Salah sijiné korban mati amarga ketubruk mobil emergency. Dudutan kuwi awit awaké korban ketemu ora ing jalur landasan. Motor mabur kuwi mudun kanthi alon lan papane kangisoren. Pilot wis ngreka nambah laku cepeté motor mabur kuwi kira-kira 7 detik sadurungé kacilakan kadadeyan. Ananging kacilakan tetep kadadeyan. Miturut asil rekaman kokpit lan data panerbangan, ana panjaluk kanggo nambah cepeting laku motor mabur kuwi. Pilot nyauri pengen mubeng-mubeng dhisik. Motor mabur sing nggawa 307 penumpang kuwi ora bisa mudhun kanthi apik lan kobong. Motor mabur dibedhek nyenggol banyu sagara nganti buntuté ucul. Asiana airlines kuwi maskapai paling gedhe nomer loro ing Koréa Kidul. Kacilakan kuwi uga sing nomer loro. Kacilakan nomer siji nalika tahun 1993, Asiana Airlines nubruk gunung ing Koréa Kidul. Kacilakan kuwi marai 68 wong mati. Ana ing tivi, Presidhèn Asiana Airlines njaluk ngapura amarga kacilakan kuwi mau. Nalika kuwi Yooung-doo, Presiden maskapai kasebut, ngandharaké yen kru pesawat iya wong-wong sing wis digladhi. Piloté pesawat kuwi uga wis duwéni 10 ewu jam mabur. Nalika kuwi piloté yaiku Lee Jeong-min saha Lee Gang-guk.