Juru témbak rundhuk

Saka Wikipédia Jawa, bauwarna bébas abasa Jawa
Membidik menggunakan teleskop senapan runduk.

Sniper, utawa juru témbak rundhuk, ya iku pawongan prajurit infanteri kang sacara mirunggan terlatih kanggo duwéni kemampuan matèni musuh sacara umpetan saka jarak adoh kanti migunakaké senapan.

Istilah iki ana nalika taun 1770-an, ing prajurit-prajurit Kolonial Inggris ing India, saka tembung snipe, yaiiku sejinis manuk kang angél anggoné dicepaki lan ditembak. Pawongan kang mahir mburu manuk ii diwènèhi julukan "sniper".[1]

Sajroné pira-pira dékade terakhir istilah sniper wis digunakaké sacara amba lan ora tepat, utama déning médhia. Istilah sniper, sacara ora tepat, digunakaké kanggo ndeskripsikaké pelaku kriminal kang matèni kanti migunakaké senapan laras dawa.

Sniper sajrone peperangan[besut | besut sumber]

Sniper bebarengan karospotter.

Doktrin militer babagan sniper sajrone posisine ing unit militer, lokasi nembak, lan taktik ana ing saben nagara. Sacara umum, tujuan sniper sajroné peperangan ya iku ngurangi kemampuan tempur musuh kanti cara mateni sasaran kang duwéni nilai duwur, kaya ta perwira.

Sajroné doktrin Amérika Sarékat, Inggris, lan akèh nagara liyané, sniper dienggo sajrone tim sniper, kang isine amung 2 wong. 2 wong iki duwéni fungsi kang béda , 1 minangka penembak, lan 1 manèh minangka spotter ya iku panunjuk sasaran. sajroné praktèké, spotter lan penembak biyasa giliran nembak, supaya ngurangi kesel ing mata.

Misi sniper ya iku pengintaian lan pengamatan, anti-sniper, matèni komandan musuh, milih target dhéwé sacara oportunis, lan malah tugas anti material (penghancuran peralatan militèr), kang merlokaké senapan kanti kaliber gedhé kaya ta .50 BMG. ing perang ing Iraq, sniper selot akèh digunakaké minangka peran pendukung, ya iku kanggo nglindungi pergerakan infanteri, mliginé ing daerah perkotaan.

Sniper kepulisian[besut | besut sumber]

sniper pulisi.

Pulisi racaké mudunaké sniper sajroné penanganan skenario penyanderaan. dhèwèké dilatih kanggo némbak minangka pilihan terakhir, amung yèn nyawa sandera terancam langsung. Sniper pulisi racaké beroperasi sajroné jarak kang luwih cepak saka ing sniper militèr. Lumrahé sak ngisoré 100 mèter lan malah kadhang kadhang kurang saka 50 mèter. Amerga sniper pulisi luwih tepat disebut minangka penembak jitu. Sniper pulisi luwih terlatih némbak kanggo nglumpuhkan ketimbang matèni,[2] amerga peran pulisi minangka pengayom masarakat.

Perbandingan antarae penembak runduk lan penembak jitu[besut | besut sumber]

Pira-pira doktrin mbédakaké antarané penembak runduk (sniper) lan penembak jitu (marksman, sharpshooter, utawa designated marksman). Sniper terlatih minangka ahli stealth lan kamuflase, wondéné penémbak jitu ora. Sniper arupa bagiyan terpisah saka regu infanteri, kang uga duwéni fungsi minangka pengintai lan mènèhi informasi lapangan kang wigati banget, sniper uga duwéni efek psikologis tumprap musuh. Wondéné peran penembak jitu intiné ya iku kanggo dawakaké jarak jangkauan ing tingkat regu.

sniper mengokang senapan runduk bolt-action.

Sniper ing umumé migunakaké senapan runduk bolt-action mirunggan, wondéné penembak jitu migunakake senapan semi-otomatis, kang racaké arupa senapan tempur utawa senapan serbu kang dimodifikasi lan ditambah teleskop.

Sniper wis éntuk pelatihan mirunggan kanggo nguasai tèhnik umpetan, pemakaian kamuflase, keahlian ngindemi lan pengamatan, sarta kemampuan infiltrasi garis ngarep. Iki gawé sniper duwéni peran strategis kang kang ora diduwéni penembak jitu. Penembak jitu dipasang ing tingkat regu, wondene sniper ing tingkat batalion lan tingkat kompi.

Cathetan sikil[besut | besut sumber]