Jalak Gadhing

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Spesimen jalak gadhing ing musium

Jalak gadhing utawa jalak lawu (Turdus poliocephalus stresemanni Bartels) ya iku salah siji sub spésiès saka manuk Anis Gunung (Turdus poliocephalus). Manuk iki kalebu spésiès èndhemik kang mung tinemu ing Gunung Lawu.

Pakulinan[besut | besut sumber]

Jalak Gadhing mangan woh-wohan, wewijènan, kéwan gegremetan, kemangga, cacing lan kéwan cilik liyané, gumantung apa kang ana ing sakiwa tengené. Seneng manggon ing gegrumbulan kang rungkut nanging gelem mudhun menyang lemah kanggo golèk pangan. Sanajan urip ing alam, jalak gadhing kalebu ora wedi nalika tetepungan manungsa. Ing jalur munggah gunung Lawu, jalak gadhing uga golek panganan ing sakiwa tengené pos.

Mitos[besut | besut sumber]

Jalak gadhing dadi kéwan kang khas ing gunung Lawu. Kahanan iku banjur digayutaké karo anané petilasan papan moksané Prabu Brawijaya V kang uga ing gunung iki. Jalak gadhing dianggep dadi ingon-ingon Prabu Brawijaya V lan ana wewaler kanggo wong kang ing kono ora olèh ngganggu manuk iki.[1] Jalak gadhing ing jalur munggah gunung uga dianggep nuduhaké wong kang munggah gunung supaya ora sasar. Nanging peneliti saka LIPI mratélakaké menawa prilaku manuk kang gelem nyedhak manungsa iki kanggo bisa olèh pangan.[2]

Rujukan[besut | besut sumber]

  1. "Burung Jalak Lawu, Teman setia para pendaki - Gunung Indonesia". Gunung Indonesia (ing basa Indonesia). 2016-05-31. Dijupuk 2018-08-07. 
  2. Media, Kompas Cyber (2018-01-19). "Inilah Asal Mitos Anis Gunung, Penunjuk Jalan Gunung Lawu - Kompas.com". KOMPAS.com (ing basa Inggris). Dijupuk 2018-08-07.