Jack R. Goody

Saka Wikipédia Jawa, bauwarna bébas abasa Jawa
Jump to navigation Jump to search

Jack R. Goody ya iku ahli antropologi saka St. Albans, Karajan Manunggal, kalairan ing tanggal 27 Juli 1919[1]. Jack iki naté sinau ana ing pawiyatan luhur University of Oxford (BA) ing taun 1946 lan B.Litt. ing taun 1952. Sabanjuré ana ing University of Cambridge, olèh gelar Ph.D. ing taun 1954 lan D.Sc. ing taun 1969[2][3]. Panlitian kang linakoni déning Jack ana ing Ghana, khususé ing bagéyan lor awit taun 1950[1]. Karya-karya antropologis kang sinerat déning Jack ya iku antarané The Development Cycle in Domestic Groups (1958), Death, Property and the Ancestors: A Study of the Mortuary Customs of the LoDagaa of West Africa (1962), Production and Reproduction: A Comparative Study of the Domestic Domain (1976), lan The Domestication of the Savage Mind (1977)[1]. Jack iki duwé karenan ing bab tlatah bebrayan domestik lan kekrabatan. Dhèwèké uga ngadegaké sekolah ètnografi Afrika kulon bareng karo Fortes[2].

Rujukan[besut | besut sumber]

  1. ^ a b c Amit, Vered, (ed) (2004). Biographical dictionary of social and cultural anthropology. London: Routledge. kk. 287–288. ISBN 020364459X. OCLC 436848672. 
  2. ^ a b Burke, Peter; McDermott, Joe (2015-08-06). "Sir Jack Goody obituary". The Guardian (ing basa Inggris). ISSN 0261-3077. Dijupuk 2018-01-14. 
  3. ^ "Sir Jack Goody, social anthropologist - obituary" (ing basa Inggris). 2015-07-30. ISSN 0307-1235. Dijupuk 2018-01-14.