Islam ing Polen

Masjid kaum Tatar ing Gdańsk (Danzig)

Sajarah agama Islam ing Polen lawasé wis punjul 600 taun wiwit abad kaping 14. Nalika iku lumrahé wong-wong Muslim iku wong-wong Tatar sing manggon ing tlatah Pasamakmuran Polen-Litowen sing jembar kamangka tetep nguri-uri budaya lan kaparcayan agamané. Ing abad kaping 19, wong-wong Polen pribumi uga akèh sing lumebu Islam. Bab iki amarga kena pangaruhing Karaton Ottoman Turki. Conto sing paling misuwur iku Józef Bem sing wusanané dadi jèndral ing Aleppo, Suriah lan séda ing taun 1850.

Banjur wiwit taun 1970-an, akèh migran sing manggon ing Polen saka nagara-nagara Islam. Cacahé saiki wong Muslim kira-kira 31.000 jiwa ing Nagara sing mayoritasé panganut agama Katulik ika. Sanadyan mangkono, agama Islam sajarahé uga wis suwé kaya agama-agama minoritas liyané ing Polen kaya ta agama Yahudi lan Katulik Ortodoks.