Islam ing Polandia

Saka Wikipédia, bauwarna bébas basa Jawa
Masjid kaum Tatar ing Gdańsk (Danzig)

Sajarah agama Islam ing Polandia lawasé wis luwih saka 600 taun wiwit abad kaping-14. Nalika iku biyasané wong-wong Muslim iku wong-wong Tatar sing manggon ing tlatah Pasamakmuran Polandia-Lituania sing jembar kamangka tetep nguri-uri budaya lan kaparcayan agamané. Ing abad kaping-19, wong-wong Polandia pribumi uga akèh sing mlebu Islam. Bab iki amarga kena pangaruhing Karaton Ottoman Turki. Conto sing paling misuwur iku Józef Bem sing wusanané dadi jèndral ing Aleppo, Suriah lan séda ing taun 1850.

Banjur wiwit taun 1970-an, akèh migran sing manggon ing Polandia saka nagara-nagara Islam. Cacahé saiki wong Muslim kira-kira 31.000 jiwa ing Nagara sing mayoritasé panganut agama Katulik ika. Sanadyan mangkono, agama Islam sajarahé uga wis suwé kaya agama-agama minoritas liyané ing Polandia kayata agama Yahudi lan Katulik Ortodoks.