Islam Éropa
- Pènget. Artikel iki béda karo Islam ing Éropa
Islam Éropa utawa Euro-Islam iku sawijining madahab hipotétis anyar, kang dipercayani sawatara wong samesthiné muncul ing Éropa. Islam jinis anyar iki nggabungaké kawajiban lan prinsip-prinsip dhasar Islam karo kabudayan modèren Éropa, kalebu norma-norma pasca-Papadhangan lan tradhisi kaya ta hak-hak dhasar manungsa, pangadegan hukum, démokrasi lan ora ana prabédan jinis kelamin.
Islam ing Éropa kanthi historis
[besut | besut sumber]
Tradhisi Islami ing Éropa mligi bisa tinemu ing manten-manten tlatah Kakaisaran Ottoman, kaya ta ing Balkan, Kriméa lan Kaukasus saha Tatarstan ing Ruslan. Tanjung Ibéria lan Pulo Sisilia uga ndarbèni anané kang ndunungi Muslim, nanging banjur direbut bali déning Kakristenan ing taun 1492.
Albania
[besut | besut sumber]- Artikel utama: Islam ing Albania
Ing taun 1923, Konggrès Muslim Albania nganakaké pasamuan ing Tirana lan mutusaké pedhot saka Kalifat Ottoman. Banjur umat Albania nggawé wujud sembahyang kang béda. Manawa sembahyang carané padha ngadeg lan ora salat. Kajaba iku poligami dijabel lan panrapan wajib nganggo hijab ing dayoh umum.[1]
Polen
[besut | besut sumber]- Artikel utama: Islam ing Polen
Sajarah agama Islam ing Polen lawasé wis punjul 600 taun wiwit abad kaping 14. Nalika iku lumrahé wong-wong Muslim iku wong-wong Tatar kang manggon ing tlatah Pasamakmuran Polen-Litowen kang jembar kamangka tetep nguri-uri budaya lan kaparcayan agamané. Ing abad kaping 19, wong-wong Polen pribumi uga akèh kang lumebu Islam. Bab iki amarga kena pangaruhing Karaton Ottoman Turki. Conto kang paling misuwur iku Józef Bem kang wusanané dadi jèndral ing Aleppo, Suriah lan séda ing taun 1850.
Banjur wiwit taun 1970-an, akèh migran kang manggon ing Polen saka nagara-nagara Islam. Cacahé saiki wong Muslim kira-kira 31.000 jiwa ing Nagara kang mayoritasé panganut agama Katulik ika. Sanadyan mangkono, agama Islam sajarahé uga wis suwé kaya agama-agama minoritas liyané ing Polen kaya ta agama Yahudi lan Katulik Ortodoks.
Réferènsi
[besut | besut sumber]- ↑ A note about Albania Archived 2013-08-17 at the Wayback Machine. published in Time magazine on April 14, 1923
Pranala njaba
[besut | besut sumber]- The Euroislam Project Archived 2007-06-02 at the Wayback Machine.
- European Muslim network
- Islam: The Challenges Of European Integration And Muslim Identity, Radio Free Europe
- Islam à la française? MSNBC Article
- Muslims in Germany: Vanguards of "Euro-Islam"? Archived 2009-06-04 at the Wayback Machine.