Ischnura senegalensis
Ischnura senegalensis ya iku kinjeng dom saka kulawarga Coenagrionidae. Kinjeng dom jinis iki kang umum tinemu ing pulo Jawa.
Dhèskripsi[besut | besut sumber]
Kéwan iki dawane satara 30 mm kanthi suwiwi dawané 14,5-15,5 mm[1]. Kinjeng dom lanang warna ireng ing awak sisih nduwur, mata majemuké warna ireng ing sisih nduwur, biru semu ijo ing sisih ngisor. Rainé uga warna biru semu ijo lan rambut [setae] warna putih.
Sebaran[besut | besut sumber]
Ischnura senegalensis sumebar ing laladan tropis lan sub tropis, saka Afrika, mangétan menyang India, Sri Lanka, Asia Wetan nganti ing Jepang, Asia Kidul Wetan nganti Papua. Mapan ing papan kanthi banyu tawa kang meneng ora mili. Kinjeng dom iki kalebu tahan marang polusi banyu lan anané manungsa. Uga tahan marang laladan sagara wedhi kang garing lan banyu kang semu asin[2]. Kinjeng dom iki isih gampang tinemu lan ora kalebu kang dikuwatiri bakal cures.[3]
Rujukan[besut | besut sumber]
- ↑ Michael J. Samways: Dragonflies and Damselflies of South Africa. Pensoft Publishers, 2008. ISBN 9546423300. p. 98 Vorschau bei Google Books
- ↑ Frank Suhling, Reinhard Jödicke, Wolfgang Schneider (2003): Odonata of African arid regions - are there desert species? Cimbebasia 18: 207-224.
- ↑ [Salah: no
|assessment_year=specified nalika nganggo {{IUCN}} Sharma, G. 2013. Ischnura senegalensis. In: IUCN 2014. IUCN Red List of Threatened Species. Version 2014.1.]