Isah-isah

Isah-isah ing Harrisonburg, Virginia.

Video isah-isah nganggo mesin

Isah-isah utawa korah-korah (ing Jawa Wétan) iku tumandang gawé ngresiki piring, gelas lan piranti masak utawa piranti mangan liyané. Ing Tanah Jawa utawa utawa Nuswantara lumrahé, wong nganggo sepon utawa srabut klapa sarta sabun. Banjur dibilas nganggo banyu. Isah-isah iki wigati banget tumrap kaséhatan sebab piranti mangan sing ora resik bisa dadi sarana panularan lelara kaya déné koléra utawa désèntri. Diprayogakaké banget nalika isah-isah piranti sing dikumbah disabun dhisik banjur dibilas nganti resik. Sawisé resik banjur ditus ing sadhuwuring rak piring.

Ing kutha-kutha, mligi ing pomahané wong sugih, saiki wis akèh sing ngayahi isah-isah iki kanthi migunakaké mesin pangumbah piring. Ana sing ukurané cilik kanggo kulawarga, nanging ana uga sing gedhé kanggo isah-isah ing rèstoran utawa ing hotèl-hotèl gedhé. Nanging isah-isah nganggo mesin iki isih ana bebayané yèn kurang resikan, ya iku anané jamur sing kerep ndhelik ana ing sajeroning mesin mau lan bsa njalari lelara.