Intuisi
Intuisi (basa Latin: intuitio, saka interéri ya iku nimbang, mbiji) ya iku kabisan mangertèni tanpa prelu mikir utawa nyinau.[1] Kabisan iki kang diantukaké kawit lair utawa gawan lair diarani kabisan instingtif.[2] Kabisan iki bisa kanggo mangertèni kasunyatan utawa kabeneran kanthi langsung tanpa nganggo logika luwih dhisik.[2] Ing filsafat lawas, intuisi diarani salah sijining rupa panepungan.[2] Ing filsafat jaman saiki, intuisi diarani kabisan mistik kanggo mangertèni prakara kang ora ana gathukané karo logika lan praktèk.[2] Kanthi mangkéné, pigunané intuisi ing laku panepungan ilmiah lan tanggapan èstètik sandhuwuré kasunyatan kaanggep cilik.[2]
Bergson nyatakake yèn intuisi asipat intelektual uga supra-intelektual.[3] Kanggone Nietszche intuisi ya iku inteligensi paling dhuwur.[3] Kanggone Maslow, intuisi ya iku pengalaman puncak.[3]