Menyang kontèn

Insidhèn prau silem Titan

Saka Wikipédia Jawa, bauwarna mardika basa Jawa
Lokasi bathang baita Titanic.

Ing surya 18 Juni 2023, Titan, sawijiné prau silem jinis submersible sing dioperasèkaké déning OceanGate implosi nalika nyilem ing Samudra Atlantik Lor, sakiwa-tengené 740 km saka pasisir Newfoundland, Kanada. OceanGate iku perusahaan pariwisata Amérika Sarékat. Prau silem iki ngamot wong lima, sing sumedya plesiran nonton-nonton tilasé baita Titanic sing klelep. Komunikasi karo Titan wis pedhot lan ilang 1 jam 45 menit sawisé nyilem menyang situs patilasan Titanic iki. Péhak sing wewenang wis dikandhani nalika prau silem iki ora mumbul manèh miturut jadwal dina iku.

Sawisé digolèki mèh 80 jam suwéné, sawijiné kendaran radio kontrol ngisor banyu sing dioperasèkaké déning sawijiné baita Kanada Horizon Arctic nemokaké puing-puing sing ngamot tilasé Titan, kurang luwih 500 mèter adohé saka Titanic.

Laladan sing diliwati dilapuraké déning dhétèksi sonar Angkatan Laut Amérika Sarékat babagan tandha akustik sing konsistèn karo implosi nalika komunikasi karo prau silem iki mandheg. Banjur wong dadi nyimpulaké menawa prau silem iki implosi nalika mudhun lan ngasilaké patiné limang panumpangé.

Operasi nggolèki lan nylametaké (SAR) ditindakaké déning tim internasional sing dipimpin déning Pangreksa Pasisir Amérika Sarékat, Angkatan Laut Amérika Sarékat, lan Pangreksa Pasisir Kanada. Dhukungan diwenehaké déning montor mabur saka Royal Canadian Air Force lan United States Air National Guard, baita Royal Canadian Navy, uga sawetara baita komersial lan riset lan prau silem radhio kontrol.

Akeh pakar sing kuwatir babagan keamanan prau silem iku. Èksekutif OceanGate ora njaluk sertifikasi kanggo Titan, kanthi alesan manawa protokol keamanan sing kakèhan marai ngalang-ngalangi inovasi.

Para korban iku Shahzada Dawood, Suleman Dawood, Hamish Harding, Paul-Henri Nargeolet, lan Stockton Rush.

Latar wuri[besut | besut sumber]

OceanGate[besut | besut sumber]

Prau silem cilik modhèl submersible sing digawé OceanGate iku jenengé Cyclops 1, sing ndhisiki Titan.

OceanGate iku perusahaan swasta, sing diadegaké ing taun 2009 déning Stockton Rush lan Guillermo Söhnlein. Wiwit taun 2010, perusahaan iki nyewakaké prau silem cilik marang wisatawan sugih lepas pasisir Kalifornia, Teluk Mèksiko, lan ing Samudra Atlantik. Perusahaan iki punjeré ing Everett, Washington, A.S.

Stockton Rush sadar menawa napak tilasi bathang-bathang baita iku carané supaya digatèkaké karo médhia massa. Banjur ing taun 2016 perusahaan iki ngeteraké para wisatawan menyang bathang baita ing dhasaring segara sapisané, nganggo prau silem Cyclops 1 menyang bathang baita Andrea Doria.

Pranala njaba[besut | besut sumber]