I Marabintang

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

I Marabintang ya iku folklor suku Mangkasar ing Sulawesi Kidul.[1] Folklor iki nyaritakaké sumatri aran I Marabintang kang sura tur duwé akèh jurus silat.[1] I Marabintang rabi karo I Mannakku, putra ratu Luwu.[2] Ana palagan, I Mannakku mati ditigas I Nojèng sing njalari I Marabintang nyidra I Nojèng.[3]. Barengan karo Bassé Mantéga, sisihané I Nojèng, I Marabintang banjur nguripaké manèh I Mannakku lan I Nojèng sarana kembang kuma-kuma putih kang mekar ana ing tlaga jinaga naga ing Gunung Bawakaraèng.[3] I Marabintang diarani sumatri awit akèhé jurus silat sing dikuwasani, kaya ta jurus ngènthèngaké awak, jurus mlaku salumahé banyu, sarta jurus nyawiji karo Allah.[4]

Cathetan sikil[besut | besut sumber]

  1. a b Iswari 2010, k. 11.
  2. Iswari 2010, k. 77.
  3. a b Iswari 2010, k. 78.
  4. Iswari 2010, k. 79.

Bibliografi[besut | besut sumber]

  • Iswary, Ery (2010). Perempuan Makassar;Relasi Gender dalam Folklor. Yogyakarta: Penerbit Ombak. ISBN 602-8335-58-4.