Herry Wiyanto

Herry Wiyanto (lair taun 1959) yaiku pengusaha Getuk Trio kang wis legendaris sing nate ngudi kawruh ana ing Universitas Atma Jaya jurusan Teknik Sipil. https://kompas.id/baca/tokoh/sosok/2018/11/12/herry-wiyanto-pewaris-getuk-trio-yang-legendaris/ Archived 2019-05-08 at the Wayback Machine.

Sejarah Getuk Trio

Gethuk Trio wis dadi salah sawijining ciri khas ana ing Kutha Magelang, Jawa Tengah. Sakjroning wernane kang ana telung lapis yaiku jambon, putih lan coklat duweni sejarah sing dawa.

Awit saka panganan kelas ngisor, getuk tuwuh dadi kuliner sing wis ditrima dening sakabehing masyarakat. Sejarah Getuk Trio duweni gandeng raket klawan sejarah getuk minangka panganan tradisional. Getuk dikenal wiwit tahun 1940-an lan wis dadi panganan khas kutha Magelang. Salah siji werna utawa jenis getuk sing okeh ditemoni ana ing pasar-pasar lan pinggir dalan wektu kuwi yaiku getuk wungkal. Getuk wungkal duweni werna lan bentuk sing kaya watu wungkal kanggo ngasah lading.

Getuk wungkal kerep didadekake panganan gantine sega, utamane dening masyarakat kelas ngisor. Supaya rasane luwih enak, getuk wungkal biasane dipangan karo gula utawa parutan klapa. Jaman biyen, akeh para bakul sing kerep mangan Getuk Trio minangka sarapan. Keluargane Herry wis ngerti yen ta getuk wis dadi panganan khas Magelang, nanging kok mung wong ekonomi nengah tekan mengisor sing mangan. Nalika deleng getuk awit okeh sing mangan ana ing Magelang, wong tuane Herry yaiku Hendra Samadhana lan Setiawati nggagas ngembangake usaha getuk.

Saka ngisor

Herry ngelingi, wong tuane sakloron disik dewe gawe getuk taun1958. Nanging, beda klawan tukang gawe getuk nalika jaman semana, sing isih gawe alat tradisional kanggo ngaluske tela, Hendra (bapake Herry) wis gawe mesin rakitane dewe dadine getuke luwih alus. Usaha wong tuane Herry dirintis saka ngisor. Purwane, Setiawati utawa ibune Herry adol getuk ana ing kalangan wong tua kanca-kanca sekolah anake. Oleh tanggapan sing apik, getuk banjur dititipake ana ing sakperangan toko roti kang ana Magelang kanggo didol. Kebeneran, salah siji toko roti kuwi kerja bareng karo Akademi Militer (Akmil), lembaga pendidikan TNI Angkatan Darat ana ing Magelang. Cekak cerita,getuk gaweyane wong tuane Herry disuguhke kunjuk Ratu Sirikit. Sakrampunge iku, jenenge saya kawentar.

Merek Getuk Trio lagi disematake nalika tahun 1963. Jeneng Trio dipilih amarga nalika kuwi Hendra (bapake Herry) lan keluarga duweni toko kelontong sing jenenge Toko Trio. Sakliyane kuwi, kakange Hendra uga duweni bengkel vulkanisasi ban kanthi jeneng Trio. Jeneng trio sing artine telung werna jambon, putih lan soklat. Sakliane kuwi, deweke uga duweni anak telu.

Kuncara lan suksese Getuk Trio ora bisa diuculake saka tandange Herry. Wiwit taun 1980-an, dhèwèké nerusake usaha kuwi amarga kakange sakloron milih nyambut gawe ana ing bidang liyane. Sakrampunge lulus kuliyah, Herry sakjane tau nyambut gawe ing bidang sing pada klawan jurusan kuliyahe. Nanging, pungkasane dhèwèké luwih milih nerusake usaha Getuk Trio. Sakliyane wujud tanggung jawab nerusake warisan wong tua, produk getuk wis duweni jeneng kang kondang kaloka.

Jaga kualitas

Nalika nerusake usaha Gethuk Trio, Herry duweni tekat jaga kualitas produk kanthi cara apa wae. Sakjroning milih tela minangka bahan getuk kudune sing apik. Paling ora tela sing dipilih umure kudu 11 ngasi 12 wulan. Jinis tela, ya nentokake banget kualitas getuk. Sakjroning produksi Getuk Trio ya mung gawe sak jinis tela, yaiku tela kinanti. Kuwi wae ora kebeh tela kinanti cocok. Tela kinanti sing digawé sing urip ana ing lemah lempung. Yen urip ing lemah sing kondisine beda, ora isa digawé getuk senadyan jenise pada.

Standar kesehatan lan keamanan uga dadi bab sing paling utama. Tuladhane para buruh gawe sarung tangan kanthi standar food frade utawa material sing layak dinggo produksi kelengkapan panganan. Saben tahun, produk Getuk Trio uga diuji ana ing laboraturium kanggo mastekake higienitase. Nganti seprene, Getuk Trio diproduksi tanpa gawe bahan pengawet supaya ora memicu gawe lara konsumene. Getuk tanpa pengawet kuwi isa tahan paling suwe rong dina wiwit dina getuk digawé.

Kahanan kuwi, dadi rintangan sing gede sakjroning dodolan Getuk Trio. Salah sijine, ora bisa dikirim menyang sakjabane kuta utawa sakjabaning negara nggaggo jasa ekspedisi luwih saka rong dina. Mula saka kuwi, Getuk Trio mung didol ana ing tlatah Magelang lan sakiwa tengene. Sakliyane kuwi, manajemen Getuk Trio uga mesthi nanggung resiko yen ana getuk sing ora payu. Nanging, deweke wiwit ngrintis dodolan cara daring lan nyambut gawe bareng klawan aplikasi sing nglayani pesen-ngeterke panganan. Kabeh kuwi dilakoni supaya Gethuk Trio isa anut jaman kelakone lan tetep bisa kuncara ana ing tengah-tengah masyarakat

.