Gugur-gunung

Gugur-gunung yaiku makarya bebarengan karo wong akèh kanggo nggayuh asil sing dipéngini. Gandheng karo musyawarah, Pancasila, ukum adat, ketuhanan, lan kakulawargan, gugur-gunung dadi landhesan filsafat Indonésia kaya sing diandharaké déning M. Nasroen.

Istilah iki asalé saka budaya masarakat padésan kang padha tulung-tinulung nalika mbangun lan mindahké omah, nggotong ing pundhak nganggo kayu ruyung, tanduran dhuwur kaya klapa.