Griya Banjar
Griya Banjar utawa griya ba'anjung inggih punika jinisipun griya yasanipun tiyang Banjar wonten ing Kalimantan Kidul. Griya-griya punika ingaran griya ba'anjung amargi gadhah anjung, utawi sisih kiwa lan tengenipun griya ingkang miyar saking pérangan pokok griya. Anjung minangka tetengeripun ingkang wigati tumrap Griya Banjar, sanadyan ugi wonten griya ingkang tanpa anjung. Saking sadaya griya, ingkang kondhang linangkung inggih punika jinis Griya Bubungan Inggil. Griya punika, sinebat Dalam Sirap, kanggé dalemipun sultan utawi kadhatonipun tiyang Banjar.