Gréja Farstorp

56°16′37″N 13°47′48″E / 56.27694°N 13.79667°E / 56.27694; 13.79667Koordhinat: 56°16′37″N 13°47′48″E / 56.27694°N 13.79667°E / 56.27694; 13.79667

Gréja Farstorp (basa Swèdhen: Farstorps kyrka) iku gréja saka abad tengahan ing Farstorp, ing provinsi Skåne, Swèdhen. Gréja iki kalebu ing kebiskopan Lund .

Sujarah lan arsitèktur

Sumber katulis pisanan kanggo nuduhaké gréja ing Farstorp yaiku saka taun 1241, nanging gréja saiki iki wis dibangun wiwit paro kapindho abad kaping 12. Menara kulon, kubah, lan apsis saka wektu kasebut. Portik gréja ditambahaké ing gréja sawetara wektu ing pungkasan Abad Tengahan nanging ing tembé dirusak. Ing abad kaping 15, ing plafon panti umat lan papan kur padha diganti karo kubah; sing tumrap ing panti umat dirusak nalika dirénovasi ing taun 1830-an lan plafon panti umat sing saiki dibangun taun 1941-42. Transept sisih lor uga dibangun ing taun 1830-an. Kosok baliné, plafon ing apsis iku asli, wiwit jamané pambangunan gréja.^[1]^[2]

Langenswara operetta Sonja Stjernquist (1931-2002) kakubur ing pasaréan gréja iki.^[1]

Lukisan témbok

Papan kur gréja dipaèsi mawa lukisan témbok Abad Tengahan . Témbok apsis nuduhaké Kristus ing kamulyané diubengi dening sesawangan saka Alkitab. Ing témbok sing misahaké kur saka panti umat ana gambarané Santo Olaf lan Santo Erik bebarengan karo Kristus disalib. Kubah papan kur iku dipaèsi karo sasèt lukisan témbok kaping tiga saka pungkasan abad kaping 15 lan digawé déning seniman sing padha sing nggawé lukisan ing Gréja Everlöv. Kabèh nuduhaké gambaran sesawangan saka Prajanjian Anyar . Ing papan liya ing gréja, fragmèn lukisan ana ing jubin ngisor menara, kalebu bokmanawa nggambaraké Santa Katarina.^[1]^[2]

Prabotan gréja

Sawetara patung kayu saka abad tengahan sing asliné saka Gréja Farstorp saiki ana ing museum sujarah Univèrsitas Lund, lan uga loncèng altar saka taun 1586. Prabotan sing isih ana ing kene kabèh saka Jaman Réformasi . Rerengga altar sing méwah iki digawé ing pungkasan abad kaping 16, utawa bisa uga 1593, lan diowahi ing taun 1733. Mimbar gréja digawé saka taun 1593 lan ya diowahi taun 1733, lan manèh ing taun 1921-23. Bak baptis sing asalé saka abad kaping 17 digawé lokal. Bangku gréja sing isih ana digawé ing taun 1732. Orgen sing saiki digawé taun 1965, nanging nggunakaké fasade orgen sadurungé, digawé ing taun 1861.^[1]^[2]

Gladri

Interior gréja

Réferènsi

↑ ^a ^b ^c ^d Wahlöö, Claes (2014). Skånes kyrkor 1050-1949 . Kävlinge: Domus Propria. kc. 71-72. ISBN 978-91-637-5874-4.
↑ ^a ^b ^c Jacobsson, Britta; Johansson, Eva; Johansson, Per; Andersson, Rolf (1990). Våra kyrkor. Västervik: Klarkullens förlag AB. kc. 448. ISBN 91-971561-08.

Pranala njaba

Situs wèb resmi (ing basa Swèdhen)

[wahloo-1] Wahlöö, Claes (2014). Skånes kyrkor 1050-1949 . Kävlinge: Domus Propria. kc. 71-72. ISBN 978-91-637-5874-4.

[varakyrkor-2] Jacobsson, Britta; Johansson, Eva; Johansson, Per; Andersson, Rolf (1990). Våra kyrkor. Västervik: Klarkullens förlag AB. kc. 448. ISBN 91-971561-08.

[1]

[2]