Gréja Brunnby

Saka Wikipédia Jawa, bauwarna mardika basa Jawa
Menyang navigasi Menyang panggolèkan

56°15′33″N 12°34′24″E / 56.25917°N 12.57333°E / 56.25917; 12.57333Koordhinat: 56°15′33″N 12°34′24″E / 56.25917°N 12.57333°E / 56.25917; 12.57333

Gréja Brunnby

Gréja Brunnby (Swèdhen: Brunnby kyrka) iku gréja Lutheran saka abad tengahan ing Swèdhen. Dunungé ana saloré Höganäs ing sisih kidul Swèdhen. Gréja iki kalebu Kabiskopan Lund. Gréja iki misuwur déning akèhé lukisan témboké sing asalé saka abad kaping 15 lan dianggep sing nggawé bèngkèl kagunan Helsingborg.

Sujarah lan arsitèktur[besut | besut sumber]

Lukisan témbok panti umat nggambaraké santo Andreas kutbah ing Patras

Brunnby njupuk jenengé saka sumber banyu sing dunungé sakiwatengené 200 mèter sakiduling gréja. Gréja sing dibangun mawa gagrag Romanesque iki ing tengahé abad kaping 12, awalé namung kabangun saka panti imam lan panti umat waé. Cendhéla cilik loro saka mangsa iki isih ana. Ing abad kaping 15, gréja iki dijembaraké mangulon mawa gagrag Gotik, banjur ditambahi menara lan plafoné diwèhi kubah. Swiwi lor transept diarani Kapel Arild, lan katoné ditambahaké nalika awal abad kaping 16, kamangka swiwi kidul utawa Kapel Mölle dirampungaké ing taun 1752. Ing taun 1752, portiké diganti mawa swiwi liya transept. Ing taun 1912, Theodor Wåhlin ngrancang wulang transept. Panti imam anyar ditambahaké, lan sing lawas dikonvèrsi dadi sakristi.[1][2]

Interior[besut | besut sumber]

Mimbar gréja saka Jaman Renaisans nandhang monogramé Christian IV lan taun 1623. Rerengga altar saka taun 1873 nuduhaké salinan déning Nils Månsson Madelgren sawijning lukisan Emmaus déning Adam August Müller, seniman Dhènemarken. Ing transept kidul, ana épitaf kanggo Erik Sinius (tilar donya 1743) lan kulawargané saha rerengga altar luwih lawas saka taun 1732. Bak baptis kaukir asalé saka taun 1895. Madonna ing panti imam iki katoné saka Jerman Lor abad kaping 15 tengahan, sing sadurungé ana ing kapel abad kaping 13 ing Arild.[1] Salib saka abad kaping 14 sing tau gumantung ing panti imam saiki ana ing Museum Lund.[2]

Lukisan témbok[besut | besut sumber]

Gréja iki misuwur déning lukisan témboké saka abad tengahan wiwit paro kapindho abad kaping 15. Sawetara fragmèn sing ditambahaké sakiwatengené taun 1450 bisa dideleng ing témbok panti umat, nanging ing taun 1480, Barbara Brahe dhawuh nggawé kubah plafon lan direrenggani lukisan témbok. Diprakirakaké rerengga méwah iki kalukis déning seniman saka bèngkèl Helsingborg, sing uga nglukis lukisan témbok ing Gréja Santa Maria (Sankta Maria kyrka) ing Helsingborg.[1] Nalika gréja iku dikaturaké marang Santo André, gambaré katon ing sawetara lukisan.[2]

Gladri[besut | besut sumber]

Pranala njaba[besut | besut sumber]

  1. a b c "Brunnby kirke", Nordens kirker. (in Danish) Retrieved 13 September 2013.
  2. a b c "Brunnby kyrka", Kyrkokartan.se. (in Swedish) Retrieved 14 September 2013.