Gamplèng

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Gamplèng utawa godhong kates ya iku salah sawijining sayuran sing diolah nalika isih enom utawa pupus dadi panganan énak tur ngandhut gizi kang apik kanggo kasarasan badan.[1] Kajaba dimanfaatake kanggo nggawé panganan énak, godhong kates uga bisa digawé obat kanggo nambani pirang-pirang jinis lelara.[2] Godhong kates duwé wujud kang meh padha karo wujudé tangan manungsa.[2] Menawa dilipet dadi rong pérangan, bakalan ketok yèn godhong iki duwé wujud simetris utawa padha plek kiwa tengene.[2]

Gizi[besut | besut sumber]

Godhong kates ngandhut gizi sing akèh, ing antarané vitamin A 18250 SI, vitamin B1 0,15 miligram per 100 gram, vitamin C 140 miligram per 100 gram godhong kates, kalori 79 kal per 100 gram, protéin 8,0 gram per 100 gram, lemak 2,0 gram per 100 gram, hidrat arang/karbohidrat 11,9 gram per 100 gram, kalsium 353 miligram per 100 gram, lan banyu 75,4 gram per 100 gram.[2] Godhong kates uga ngandhut zat carposide sing bisa kanggo nambani cacingen.[2] Godhong kates duwé zat papain sing marakne rasané pait, nanging sipate zat iki stomakik ya iku bisa ningkatake napsu mangan.[3]

Waca uga[besut | besut sumber]

  1. Warisno (2003). Budi Daya Pepaya. Yogyakarta: Kanisius. ISBN 979-21-0092-X.
  2. a b c d e Thomas A.N.S (1989). Tanaman Obat Tradisional. Yogyakarta: Kanisius. ISBN 978-979-413-091-9.
  3. Wied Harry Apriadji. Healthy Tumpeng, hidangan tumpeng séhat citarasa Nusantara. Jakarta: Gramedia. ISBN 978-979-22-3410-7.